ბიზნეს ასოციაცია - მივესალმებით ადმინისტრაციულ სამართალდარღვევათა და სისხლის სამართლის კოდექსებში ცვლილებების შეტანას

მივესალმებით საქართველოს პარლამენტის მიერ მიღებულ გადაწყვეტილებას საწვავის ხარისხის პარამეტრებთან შეუსაბამობისათვის საჯარიმო სანქციების გამკაცრების საკითხს, - ამის შესახებ „ინტერპრესნიუსს“ საქართველოს ბიზნეს ასოციაციიდან აცნობეს.

მათივე ცნობით, აქამდე არსებული ჯარიმები არაადეკვატური იყო და ვერანაირად ვერ პასუხობდნენ, ამ მიმართულებით, ქვეყანაში არსებულ გამოწვევებს.

„უკანასკნელი პერიოდის განმავლობაში, ჩვენ საზოგადოებას არაერთხელ მივაწოდეთ ინფორმაცია საქართველოში საწვავის ხარისხთან დაკავშირებული პრობლემების თაობაზე. ყველასათვის ცნობილია, რომ უხარისხო საწვავი მნიშვნელოვნად აზიანებს ჩვენი ქვეყნის ეკოსისტემას და იწვევს ადამიანის ჯანმრთელობის კუთხით მთელ რიგ მწვავე დავადებებს. აღნიშნულის ფონზე, მივესალმებით საქართველოს პარლამენტის მიერ ადმინისტრაციულ სამართალდარღვევათა და სისხლის სამართლის კოდექსებში ცვლილებების შეტანას, რომლის მიზანსაც წარმოადგენს იმპორტირებული, წარმოებული და რეალიზებადი საწვავის, მოქმედი კანონმდებლობით განსაზღვრული ხარისხის პარამეტრებთან შეუსაბამობის შემთხვევაში, საჯარიმო სანქციების მნიშვნელოვანი გამკაცრება. აქამდე არსებული ჯარიმები იყო სრულიად არაადეკვატური და ვერანაირად ვერ პასუხობდნენ, ამ მიმართულებით, ჩვენს ქვეყანაში არსებულ გამოწვევებს. გვსურს ხაზგასმით აღვნიშნოთ საქართველოს გარემოს დაცვისა და ბუნებრივი რესურსების კომიტეტისა და გარემოს დაცვისა და სოფლის მეურნეობის სამინისტროს ძალისხმევა, რომელმაც, უმოკლეს ვადებში, უზრუნველყო ამ უაღრესად აქტუალური პრობლემის მოსაგვარებლად სახელმწიფო ინსტიტუტების მხრიდან მნიშვნელოვანი ნაბიჯების გადადგმა. აღსანიშნავია, რომ საჯარიმო სანქციების გამკაცრება ეხება როგორც ბენზინისა და დიზელის საწვავის იმპორტიორებსა და რეალიზატორებს, ისე ადგილობრივი წარმოების პროდუქციას.

გამოვთქვამთ იმედს, რომ შესაბამისი სახელმწიფო სტრუქტურების მიერ კანონმდებლობაში შეტანილი ცვლილებების აღსრულება მოხდება მაქსიმალურად ეფექტურად, რაც ხელს შეუწყობს საქართველოს მოქალაქეების ჯანმრთელობის დაცვასა და ქვეყნის ეკოლოგიური ვითარების გაუმჯობესებას.

საქართველოს ბიზნეს ასოციაცია გააგრძელებს ამ თემატიკის გარშემო სიტუაციის ანალიზსა და მონიტორინგს და შესაბამის ინფორმაციას პერიოდულად მიაწვდის საზოგადოებას“, - აღნიშნულია ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი