ზურაბ ჭიაბერაშვილი - ივანიშვილს კობახიძე იმიტომ ჰყავს, რომ საზოგადოებაში მუდმივად იყოს აგრესია და სიძულვილი

„ევროპული საქართველოს“ წევრის ზურაბ ჭიაბერაშვილის განცხადებით, ბიძინა ივანიშვილს ირაკლი კობახიძე იმისთვის ჰყავს, რომ საზოგადოებაში მუდმივად იყოს აგრესია და სიძულვილი.

ზურაბ ჭიაბერაშვილის თქმით, სიძულვილი და აგრესია, რაც კობახიძისგან და „ქართული ოცნების“ ნებისმიერი წარმომადგენლისგან მოდის, უნდა დასრულდეს.

„ივანიშვილს კობახიძე ზუსტად იმიტომ ჰყავს, რომ საზოგადოებაში მუდმივად იყოს ეს აგრესია და სიძულვილი, რასაც კობახიძე ასხივებს და ახმოვანებს. ეს ერთ რამეზე მეტყველებს, რომ „ქართულ ოცნებას“ ჩვენი საზოგადოებისთვის მომავლის ხედვა არ აქვს და ფონის გასვლა უნდა მხოლოდ იმით, რომ ლანძღოს სხვები, საზოგადოებას შესთავაზოს არა კრიზისიდან გამოსვლის გეგმა, არამედ მუდმივად ილაპარაკოს ოპონენტების ლანძღვით. ეს ბუნებრივია ჩვენს საზოგადოებას წინ ვერ წაიყვანს, სწორედ ამიტომ უნდა უთხრას და ეტყვის ქართველი ხალხი ბიძინა ივანიშვილს -არას. ეს სიძულვილი და აგრესია, რაც კობახიძისგან ან „ქართული ოცნების“ ნებისმიერი წარმომადგენლისგან მოდის, საბოლოო ჯამში უნდა დასრულდეს და ჩვენ, საზოგადოება ვიპოვით მომავლის გზა, რაც ჩვენი ოჯახების კეთილდღეობას გაზრდის. „ქართული ოცნების“ აგრესია, ზუსტად განპირობებულია იმით, რომ ისინი ვერ არწმუნებენ ქართულ საზოგადოებას იმაში, რომ წარსულის ქექვა ჩვენს სიტუაციაში არის გამოსავალი და ზუსტად ამიტომ ისინი უმატებენ სიძულვილს, აგრესიას და ამით ცდილობენ გავიდნენ ფონს“, - განაცხადა ზურაბ ჭიაბერაშვილმა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)