ჯანმო მაიკ პომპეოს ბრალდებებზე - მკაცრად ვგმობთ პირად ინტერესებზე დაფუძნებულ ნებისმიერ თავდასხმას

ჯანდაცვის მსოფლიო ორგანიზაცია აშშ-ის სახელმწიფო მდივნის, მაიკ პომპეოს მიერ ორგანიზაციის მისამართით გამოთქმულ ბრალდებებს „უსაფუძვლოს“ უწოდებს.

„ჯანმო-ს არ აქვს ინფორმაცია ასეთი განცხადების შესახებ, მაგრამ ჩვენ მკაცრად ვგმობთ პირად ინტერესებზე დაფუძნებულ ნებისმიერ თავდასხმას და უსაფუძვლო ბრალდებებს,“- ნათქვამია ჯანდაცვის მსოფლიო ორგანიზაციის მიერ გავრცელებულ განცხადებაში.

ჯანმო ქვეყნებს მოუწოდებს, ორიენტირებულები იყვნენ პანდემიასთან ბრძოლაზე, რომელსაც ადამიანების სიცოცხლე ეწირება.

ზოგიერთი მედიასაშუალების ინფორმაციით, აშშ-ის სახელმწიფო მდივანმა მაიკ პომპეომ დიდ ბრიტანეთში ვიზიტის დროს განაცხადა, რომ ჯანდაცვის მსოფლიო ორგანიზაციის გენერალური დირექტორი ტედროს ადჰანომ გებრეიესუსი ჩინეთმა „იყიდა“ და ამის გამო უამრავი ბრიტანელი დაიღუპა.