გია ვოლსკი - არც შეთავაზება ყოფილა, არც განხილული თემურ აბაზოვის საკითხი
პარლამენტის პირველი ვიცე-სპიკერის, გია ვოლსკის განცხადებით, თემურ აბაზოვისთვის საარჩევნო სიაში ჩასმასთან დაკავშირებით შეთავაზება არ ყოფილა და ეს საკითხი არც მომავალში განიხილება.
"არც შეთავაზება ყოფილა, არც განხილული ბატონი აბაზოვის საკითხი საპარლამენტო სიაში შეყვანასთან დაკავშირებით“, - განაცხადა ვოლსკიმ.
კითხვაზე, იღებს თუ არა გადაწყვეტილებებს ამ საკითხებზე ბიძინა ივანიშვილი, ვოლსკი აცხადებს, რომ გადაწყვეტილებებს იღებს პოლიტსაბჭო.
"არანაირი ერთპიროვნული გადაწყვეტილებები, ბიძინა ივანიშვილზე იკითხეთ - არ არსებობს და ვერც იარსებებს. კანდიდატი მისაღები უნდა იყოს საზოგადოებისთვის და რესურსი უნდა ჰქონდეს, საქმე აკეთოს ქვეყნისთვის,"- განაცხადა ვოლსკიმ.
ცნობისთვის, მარნეულის ყოფილი მერი თემურ აბაზოვი აცხადებს, რომ პარტია „ქართული ოცნება-დემოკრატიული საქართველოს“ პროპორციულ სიაში იქნება. რომელ ნომრად იქნება სიაში აბაზოვი ჯერ გადაწყვეტილი არაა. აღნიშნულ ინფორმაციას არ ადასტურებს არც ფრაქცია " ქართული ოცნების" თავმჯდომარე რატი იონათამიშვილი.
შეგახსენებთ, მარნეულის ყოფილი მერი თემურ აბაზოვი 2018 წლის 13 ივნისს დააკავეს. გამოძიება მას ელჩინ ალახვერდიევის მიმართ არაადამიანურ და დამამცირებელ მოპყრობას ედავებოდა. რუსთავის საქალაქო სასამართლომ მარნეულის ყოფილი მერის თემურ აბაზოვის მიმართ აღნიშნულ საქმეზე გამამართლებელი განაჩენი გამოიტანა. 2019 წლის თებერვალში თემურ აბაზოვმა მარნეულის მერის თანამდებობა დატოვა.
v-if="article.gallery" v-html="article.gallery"
