სულხან-საბა ორბელიანის უნივერსიტეტში მობილობით ჩარიცხულ სტუდენტებს განსაკუთრებული შეთავაზებები ელოდებათ

საქართველოს უნივერსიტეტებში სტუდენტთა მობილობის თარიღები ცნობილია. 2020-2021 წლის შემოდგომის სემესტრზე სულხან-საბა ორბელიანის უნივერსიტეტში მობილობით ჩარიცხულ ყველა სტუდენტს განსაკუთრებული შეთავაზებები ელოდებათ. ამის შესახებ „ინტერპრესნიუსს“ სულხან-საბა ორბელიანის უნივერსიტეტიდან აცნობეს.

სულხან-საბა ორბელიანის უნივერსიტეტში მობილობით ჩარიცხული სტუდენტები მიიღებენ 50% -იან ფასდაკლებას სწავლის წლიურ საფასურზე ერთი წლის მანძილზე, სტუდენტებს 30 კრედიტს მიღმა, დამატებით ერთი საგნის სრულიად უფასოდ გავლის საშუალება ექნებათ, ასევე ექნებათ 20%-იანი ფასდაკლება ახლად აშენებულ სტუდენტურ საერთო საცხოვრებელში ერთი წლის მანძილზე. სტუდენტები სწავლის წლიური საფასურის 10 ნაწილად ან სტუდენტზე მორგებული, ინდივიდუალური გრაფიკით გადახდის შესაძლებლობით ისარგებლებენ.

მათივე ცნობით, სტუდენტთა აკადემიური მობილობა ხორციელდება განათლების ხარისხის განვითარების ეროვნული ცენტრის პორტალის მეშვეობით, სადაც სტუდენტი უნდა დარეგისტრირდეს 31 ივლისიდან 19 აგვისტოს ჩათვლით და მიუთითოს სასურველი უნივერსიტეტი. რეგისტრაციის დასრულების შემდეგ კი, 20 აგვისტოდან 4 სექტემბრამდე მოთხოვნილი საბუთები უნდა წაარმოადგინოს უნივერსიტეტში მატერიალური ან ელექტრონული სახით.

უნივერსიტეტის განცხადებით, 2020-2021 წლის შემოდგომის სემესტრზე სტუდენტების მობილობა საბაუნიში შესაძლებელია როგორც ბაკალავრის, ასევე მაგისტრატურის საფეხურზე, შემდეგ საგანმანათლებლო პროგრამებზე: სამართალი, ბიზნესის ადმინისტრირება, ტურიზმი, საერთაშორისო ურთიერთობები, თეოლოგია.

პროცედურებისა და წარმოსადგენი დოკუმენტების შესახებ დეტალური ინფორმაციისათვის ეწვიეთ მათ ვებ-გვერდს მითითებულ ბმულზე: http://sabauni.edu.ge/ka/news/5919

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)