"ლელო საქართველოსთვის" ორგანიზებით, მთავრობის კანცელარიასთან აქცია - "ახალგაზრდები ოლიგარქიის წინააღმდეგ" მიმდინარეობს
პოლიტიკური გაერთიანება "ლელო საქართველოსთვის" ორგანიზებით მთავრობის კანცელარიასთან საპროტესტო აქცია - "ახალგაზრდები ოლიგარქიის წინააღმდეგ" მიმდინარეობს. აქციის მონაწილეების თქმით, ახალგაზრდებმა არ უნდა იცხოვრონ ისეთ ქვეყანაში, რომელსაც ოლიგარქი მართავს.
აქციის მონაწილეების განცხადებით, ფაქტია, რომ რუსული ინტერესები სულ უფრო მეტად ძლიერდება ქვეყანაში. მათივე თქმით, ყოველდღე არამხოლოდ საგანგაშო წერილებს იღებს ქვეყანა პარტნიორებისგან, არამედ თითოეული მოქალაქე გრძნობს აღნიშნულს.
“ჩვენი საზოგადოება არ აპირებს შეეგუოს ოლიგარქიულ მმართველობას. ხელისუფლებას ჰგონია, რომ შეგუებით პრობლემა მოგვარდება, მაგრამ ჩვენ არ ვაპირებთ შევეგუოთ. ყოველ ჯერზე მოვალთ და უთავმოყარეო ხელისუფლებას გავუმეორებთ გზავნილებს, რომელიც ისმის საერთაშორისო პარტნიორებისგან“,- აცხადებს აქციის ერთ-ერთი მონაწილე.
v-if="article.gallery" v-html="article.gallery"
