პოლიტიკური გაერთიანება "ლელო საქართველოსთვის" ორგანიზებით მთავრობის კანცელარიასთან საპროტესტო აქცია - "ახალგაზრდები ოლიგარქიის წინააღმდეგ" დასრულდა.
აქციის მონაწილეების განცხადებით, რუსული ინტერესები სულ უფრო მეტად ძლიერდება ქვეყანაში და ამას მოწმობს დღეს გავრცელებული 6 კონგრესმენის წერილიც.
"დღეს შევიკრიბეთ ოლიგარქიული მმართველობის წინააღმდეგ, რომელიც ხელს უშლის ახალგაზრდების პერსპექტივას, მომავალს და საბოლოო ჯამში ნერგავს ნიჰილიზმს, რის გამოც თვითრეალიზაციას ვერ პოულობენ ახალგაზრდები საქართველოში. კონგრესმენების წერილსაც კი აბუჩად იგდებენ, ამიტომ ქართველმა ხალხმა უნდა დაანახოს, რომ რეალურად, ძალიან მნიშვნელოვანი წერილია და ეს ქვეყნისთვის არის კატასტროფა", - აცხადებს "ლელოს" ახალგაზრდულ საქმეთა სამსახურის უფროსი გიორგი ოქრუაშვილი.