თამარ ბაჩალიაშვილის ოჯახი და ადვოკატი შსს-ში იმყოფებიან
გარდაცვლილი თამარ ბაჩალიაშვილის ოჯახი და ადვოკატი, მიხეილ რამიშვილი შინაგან საქმეთა სამინისტროში იმყოფებიან.
თამარ ბაჩალიაშვილის დედის, თეონა თამაზაშვილის თქმით, ყველაფერს გააკეთებს მისი შვილის გარდაცვალების საქმის გამოსაძიებლად.
თეონა თამაზაშვილი სამ მაღალჩინოსანზე საუბრობს და ამბობს, რომ თეონა ბაჩალიაშვილმა "ვიღაცის ფაილებში შეაღწია.
„ერთ-ერთ მაღალჩინოსანზე მქონდა ეჭვი, მაგრამ სახელი და გვარი არ ვიცი. ვიღაცის ფაილებში შეაღწია ამ ბავშვმა. 3 ადამიანი? ეს ხომ ნამეტანია. 40 კილო კაფანდარა გოგოსთვის ეს ნამეტანია. მინდა, რომ თამუნა საქართველოში სამართლიანობის აღდგენის სიმბოლო გახდეს და ამისთვის ყველაფერს გავაკეთებ. ხომ უნდა დაიძრას გამოძიება. გაიჟღერა ინფორმაციამ, რომ დაიძრა გამოძიებაო და ხომ უნდა გამცენ პასუხი, თუ არადა, მაშინ დამიბრუნონ ლეპტოპი სრული ფორმით, FBI-ს ჩავრთავ და ისე გამოვიძიებ. გახარიასთან მინდა შეხვედრა, თუ პატივს დამდებს და შემხვდება. რამდენადაც ვიცი, ამ კაცმა თქვა, რომ ბაჩალიაშვილისა და შაქარაშვილის საქმე გამოძიებული უნდა იყოსო, რას მეტყვის მინდა მისი პირიდან გავიგო“, - აცხადებს თეონა თამაზაშვილი.
ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.
ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.
This is a modal window.
v-if="article.gallery" v-html="article.gallery"
