ირაკლი კობახიძე - მთავრობის მხრიდან შემოთავაზებული პაკეტი ძალიან მნიშვნელოვანია - სწორადა შერჩეული სეგმენტი, რომლისთვისაც არის მიმართული ეს დახმარება

ეს ყველაფერი, ბუნებრივია, ჩვენს მოქალაქეებს დაეხმარება, გაიუმჯობესონ საკუთარი სოციალური მდგომარეობა და მაქსიმალურად აღიდგინონ ის სოციალური ზიანი, რომელიც მათ პანდემიამ მიაყენა, - ამის შესახებ საპარლამენტო უმრავლესობის წევრმა ირაკლი კობახიძემ განაცხადა.

მისივე თქმით, პანდემიამ შექმნა სირთულეები ეკონომიკური და შესაბამისად სოციალური თვალსაზრისით და ბუნებრივია ამას სჭირდება პასუხი.

„პასუხი არის პირველ რიგში, რა თქმა უნდა, სოციალური დახმარება ჩვენი საზოგადოების ყველაზე მოწყვლადი ფენებისთვის. საქართველოს მთავრობის მხრიდან შემოთავაზებული პაკეტი ძალიან მნიშვნელოვანია. ძალიან სწორად არის შერჩეული სეგმენტები, სხვადასხვა სეგმენტი, რომლისთვისაც არის მიმართული ეს დახმარება“, - განაცხადა კობახიძემ.