აზერბაიჯანის საგარეო უწყება - აზერბაიჯანი მხარს უჭერს კონფლიქტების მშვიდობიან მოგვარებას აფხაზეთსა და „სამხრეთ ოსეთში“
აზერბაიჯანი მხარს უჭერს კონფლიქტების მშვიდობიან მოგვარებას აფხაზეთსა და „სამხრეთ ოსეთში“, საერთაშორისო სამართლის ნორმებსა და პრინციპებზე დაფუძნებული შეთანხმებული ფორმატის ფარგლებში, - ამის შესახებ აზერბაიჯანის საგარეო საქმეთა სამინისტროს მიერ გავრცელებულ განცხადებაშია აღნიშნული.
„აზერბაიჯანსა და საქართველოს ერთმანეთის სუვერენიტეტის, ტერიტორიული მთლიანობისა და საერთაშორისოდ აღიარებული საზღვრების მხარდაჭერაზე დაფუძნებული სტრატეგიული პარტნიორობა აკავშირებთ. აზერბაიჯანი მხარს უჭერს კონფლიქტების მშვიდობიან მოგვარებას აფხაზეთსა და „სამხრეთ ოსეთში“, საერთაშორისო სამართლის ნორმებსა და პრინციპებზე დაფუძნებული შეთანხმებული ფორმატის ფარგლებში,“- აღნიშნულია აზერბაიჯანის საგარეო უწყების მიერ გავრცელებულ განცხადებაში.
