პაატა იმნაძე - ადამიანების გარკვეული კატეგორიაა, ვინც მიიჩნევს, რომ დაჩიპავენ, ახლა მაინტერესებს რუსულ ვაქცინაში ბილ გეითსი როგორ ჩადგამს თავის ჩიპებს რომ დაჩიპოს

აქ ხომ არის გარკვეული კატეგორია ადამიანების, ვინც მიიჩნევს, რომ დაჩიპავენ და ბილ გეითსმა უნდა დაჩიპოს. ახლა ძალიან მაინტერესებს რუსულ ვაქცინაში ბილ გეითსი როგორ ჩადგამს თავის ჩიპებს რომ დაჩიპოს,- ასე გამოეხმაურა დაავადებათა კონტროლისა და საზოგადოებრივი ჯანმრთელობის ცენტრის დირექტორის მოადგილე პაატა იმნაძე რუსეთში კორონავირუსის წინააღმდეგ ვაქცინის შექმნასთან დაკავშირებით გავრცელებულ ინფორმაციას. მისი განმარტებით, რუსეთში ვაქცინის გამოცდა ძალიან დაჩქარებული ტემპებით მიმდინარეობდა და სანამ არ გამოქვეყნდება ვაქცინასთან დაკავშირებული ზუსტი მონაცემები, კონკრეტულად არაფრის თქმა არ არის შესაძლებელი.

„ ახლა ძალიან მაინტერესებს რუსულ ვაქცინაში ბილ გეითსი როგორ ჩადგამს თავის ჩიპებს რომ დაჩიპოს და სერიოზულად თუ გიპასუხებთ, მაშინ ვერ გეტყვით ვერაფერს იმიტომ, რომ ძალიან დაჩქარებული ტემპით მიმდინარეობდა ამ ვაქცინის გამოცდა და მის ხარისხზე სანამ არ გამოქვეყნდება ზუსტი მონაცემები, კვლევის შდეგებზე, ფაზებზე, რამდენ ადამიანზე იყო, რა შედეგები იყო, სამწუხაროდ, მე მეტს ვერაფერს გეტყვით,“- განაცხადა პაატა იმნაძემ.