პრემიერი - უნდა ვისწავლოთ ვირუსის გავრცელების გეოგრაფიის და სისწრაფის რისკების მართვა, რასაც, მერწმუნეთ, ეფექტიანად ვაკეთებთ

საქართველოს პრემიერ-მინისტრის, გიორგი გახარიას განცხადებით, ცალკეული შემთხვევების მიუხედავად, ხელისუფლება კორონავირუსის გავრცელების გეოგრაფიის და სისწრაფის რისკებს ეფექტიანად მართავს.

როგორც პრემიერმა ჟურნალისტებს განუცხადა, შეზღუდვები, რომელსაც მთავრობა ეპიდემიოლოგიური მდგომარეობიდან გამომდინარე ატარებს, როგორც ჯანმრთელობაზე, ასევე ეკონომიკაზე ზრუნვითაა განპირობებული.

„ყოველთვის ვამბობდი და კიდევ ერთხელ გავიმეორებ, რომ ვირუსი არსად გაქრება და როგორც ჩანს, გლობალურად მსოფლიო უნდა მივეჩვიოთ ამ ვირუსთან ერთად ცხოვრებას. ეს იმას არ ნიშნავს, რომ ცხოვრება უნდა გაჩერდეს, უნდა ვისწავლოთ ვირუსის გავრცელების გეოგრაფიის და სისწრაფის რისკების მართვა, რასაც, მერწმუნეთ, ეფექტიანად ვაკეთებთ, მიუხედავად, ცალკეული შემთხვევებისა და ამის კეთებას გავაგრძელებთ ეფექტიანად. მაგრამ აქ მარტო მთავრობის ძალისხმება არაა საჭირო. აუცილებელია მთავრობის და მოქალაქის ერთობლივი ქმედებები და ის ნდობა, რომელიც ჩვენ ჩამოვაყალიბეთ ბოლო თვეების განმავლობაში და ერთად მივაღწიეთ იმ შედეგს, რომ დღეს საქართველო არის როგორც ვირუსის მართვის წარმატებული ისტორია. ეს უნდა გავაგრძელოთ, მიუხედავად იმისა, რომ ასეთი პატარ-პატარა აფეთქებები დიდხანს იქნება, სანამ საბოლოოდ, გლობალურად არ იქნება ვირუსი დამარცხებული. შეუძლებელია ცალკე აღებულ ქვეყანაში, მათ შორის საქართველოში, ვირუსი დაამარცხო.

ამიტომ, ჩვენ უნდა ვიყოთ უაღრესად ფრთხილები და ყურადღებიანები, რომ ჩვენი თავის, ჩვენი ოჯახის წევრების, ჩვენი თანამოქალაქეების ჯანმრთელობას გავუფრთხილდეთ.

ორ ფრონტზე ვიბრძვით - ჯანმრთელობა, ვირუსის გავრცელება და ეკონომიკური აღორძინება. შეუძლებელია, რომელიმე ცალკეულ ფრონტზე გამარჯვება, ამიტომ, როდესაც ჩვენ შემზღუდავ ნაბიჯებს ვდგამთ და იძულებულები ვართ, მაგალითად, ისეთი შეზღუდვები დავაწესოთ, რომლის დაწესებაც მესტიაში მოგვიწია, ეს განპირობებულია, რა თქმა უნდა, პირველ რიგში, ჯანმრთელობაზე, მაგრამ, ამავე დროს, ეკონომიკაზე ზრუნვით. ამას გაგებით უნდა მოვეკიდოთ. ეს ორი რამ ერთმანეთთანაა დაკავშირებული“,- განაცხადა გახარიამ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი