აშშ-ის სახელმწიფო მდივანი მაიკ პომპეო მიჩნევს, რომ ბელარუსში ახალი საპრეზიდენტო არჩევნები უნდა ჩატარდეს, რომელსაც საერთაშორისო დამკვირვებლები დაესწრებიან.

რადიო „თავისუფლების“ ინფორმაციით, ამის შესახებ ამერიკელმა პოლიტიკოსმა სლოვენიის პრემიერ - მინისტრთან ერთად გამართულ ბრიფინგზე განაცხადა.

„მიმაჩნია, რომ შესაძლებელია ბელარუსში არსებული კრიზისის მშვიდობიანად გადაწყვეტა: ახალი საპრეზიდენტო არჩევნები უნდა გაიმართოს სერიოზული საერთაშორისო დამკვირვებლების თანდასწრებით“ , - განაცხადა სახელმწიფო მდივანმა.

მანამდე, ცნობილი გახდა, რომ მაიკ პომპეომ არ გამორიცხა ბელარუსისთვის სანქციების შემოღება არჩევნების შემდეგ მშვიდობიანი დემონსტრანტების წინააღმდეგ ძალადობასთან დაკავშირებით.