Apple-ის ოფიციალური პარტნიორი საქართველოში „აიპლიუსი" მომხმარებლებს Back To School აქციის ფასდაკლებებს სთავაზობს.

როგორც „ინტერპრესნიუსს“ „აიპლიუსიდან“ აცნობეს, 1 თვის განმავლობაში, 17 აგვისტოდან 18 სექტემბრის ჩათვლით, შეძენილ ნებისმიერ MacBook-სა და iPad სპეციალური ფასები და უნიკალური შეთავაზებები იმოქმედებს. 3%-იანი ფასდაკლება ყველა iPad-სა და MacBook-ზე გავრცელდება.

„სასწავლო წლის მოახლოვებასთან ერთად, იზრდება მომხმარებელთა მოთხოვნა კომპიუტერებსა და პლანშეტებზე. MacBook და iPad ყველაზე მოთხოვნადი პროდუქტია ამ დროს სკოლის მოსწავლეება და სტუდენტებში, ამიტომ კომპანიამ გადაწყვიტა, 1 თვის განმავლობაში მითითებულ პროდუქციაზე სპეციალური ფასები შემოგთავაზოთ. მაგალითად, 2020 წლის MacBook Air-ის შეძენას, 210 ლარიანი ფასდაკლებით შეძლებთ, 4149 ლარის ნაცვლად - 3939 ლარად“, - აცხადებს კომპანიის მენეჯერი გიორგი ჩიხრაძე.

კომპანიის ინფორმაციით, მომხმარებლებს განსაკუთრებული შეთავაზებები iPhone-ების შეძენისასაც ელოდებათ. ყველა მოდელის iPhone-ზე სპეციალური საჩუქრები და შეთავაზებები იმოქმედებს, ასევე ბრონირებული დამცავების და ქეისების შეძენა 40%-იანი ფასდაკლებით იქნება შესაძლებელი. 50%-მდე სარგებელია ტექნიკური დეტალების (შუშის, ეკრანის, ნაწილების) შეცვლისას.