გერმანიის პრეზიდენტი - მოვუწოდებ ბელარუს სამხედროებს, არ გამოიყენონ ძალა საკუთარი ხალხის წინააღმდეგ

გერმანიის პრეზიდენტი ფრანკ ვალტერ შტაინმაიერი ბელარუს სამხედროებს მოუწოდებს, დემონსტრანტების წინააღმდეგ ძალა არ გამოიყენონ.

„მოვუწოდებ ბელარუსელ სამხედროებს, არ ჩაიდინონ ცოდვა საკუთარი ხალხის წინაშე“, – განაცხადა შტაინმაიერმა.

გერმანიის პრეზიდენტმა, ასევე განაცხადა, რომ აღფრთოვანებულია დემონსტრანტების სიმამაცით. შტაინმაიერმა ალექსანდრე ლუკაშენკოს მოუწოდა, დაიწყოს დიალოგი აქციის მონაწილეებთან.

„ბელარუსი ხალხი სოლიდარობასა და მხარდაჭერას იმსახურებს,“- აღნიშნა გერმანიის პრეზიდენტმა.

შეგახსენებთ, 9 აგვისტოს გამართული საპრეზიდენტო არჩევნების შემდეგ ბელარუსში საპროტესტო აქციები არ წყდება.