სახელმწიფო უსაფრთხოების სამსახურის უფროსის მოადგილის ალექსანდრე ხოჯევანიშვილის განცხადებით, მესტიასა და ლენჯერში გახსნამდე, 2 სექტემბრამდე ინტენსიური ტესტირება გაგრძელდება. როგორც ხოჯევანიშვილმა ბრიფინგზე განაცხადა, ეს ხელს შეუწყობს პრევენციას და რეალური ეპიდემიოლოგიური სურათის ნათლად ჩვენებას.

ამასთან, როგორც ალექსანდრე ხოჯევანიშვილი აღნიშნავს, აქტიური ტესტირება გრძელდება ბათუმსა და ქობულეთშიც.

„შავიზღვისპირეთში მიმდინარეობს ინტენსიური ტესტირება. ბათუმსა და ქობულეთში განთავსებულია დროებითი სამედიცინო პუნქტები, სადაც ხორციელდება ტურსიტების ტესტირება. მოვუსწოდებ ყველა ადგილობრივსა და ტურისტს, ისარგებლოს ამ მომენტით და გაიტესტოს, რაც უფრო ნათელს მოჰფენს არსებულ სურათს და კიდევ უფრო მეტ პრევენციას მოახდენს ეპიდემიოლოგიურ ვითარებაზე“,- განაცხადა ხოჯევანიშვილმა.