დილის 7:00 საათიდან მინსკის ურუჩიეს ბაზიდან ბელარუსის დედაქალაქის ცენტრისკენ სპეცდანიშნულების რაზმის გარკვეული რაოდენობა დაიძრა. ამის შესახებ სააგენტო „ტასს“ იუწყება.

სამხედრო კოლონა დამოუკიდებლობის გამზირის გავლით, დამოუკიდებლობის მოედნისკენ გაემართა, სადაც ბელარუსის მთავრობის სახლი მდებარეობს. აქ დღეს ქვეყნის ოპოზიციური ძალების საპროტესტო აქციაა დაანონსებული.

ცნობისთვის, 9 აგვისტოს საპრეზიდენტო არჩევნების შემდეგ, ქვეყნის პრეზიდენტის ალექსანდრე ლუკაშენკოს გადადგომის მოთხოვნით, საპროტესტო აქციები არ წყდება.