გერმანიის საგარეო საქმეთა მინისტრი ჰეიკო მაასი რუსეთს ალექსეი ნავალნის საქმესთან დაკავშირებით მეტი გამჭვირველებისკენ მოუწოდებს.

მედიის ინფორმაციით, მაასმა პარიზში გამართულ პრესკონფერენციაზე საერთაშორისო ურთიერთობებთან დაკავშირებულ საკითხებზე ისაუბრა და აღნიშნა, რომ რუსეთთან ურთიერთობებში „მუქი ღრუბლები“ არსებობს.

„რუსეთთან ურთიერთობებში მუქი ღრუბლები დაცურავენ. რუსეთმა ნავალნის საქმის გარკვევაში უფრო მეტი წვლილი უნდა შეიტანოს,“- აღნიშნა გერმანიის საგარეო უწყების ხელმძღვანელმა.

შეგახსენებთ, 20 აგვისტოს რუსმა ოპოზიციონერმა პოლიტიკოსმა ალექსეი ნავალნიმ, რომელიც ტომსკიდან მოსკოვში მიემგზავრებოდა, თვითმფრინავში თავი შეუძლოდ იგრძნო. ამის გამო თვითმფრინავმა ქალაქ ომსკში ავარიული დაშვება განახორციელა, სადაც ის საავადმყოფოში გადაიყვანეს. რამდენიმე დღეში კი ნავალნი სამკურნალოდ გერმანიის ქალაქ ბერლინის კლინიკაში გადაიყვანეს.

იხილეთ ვიდეო:გერმანიის საგარეო საქმეთა მინისტრი რუსეთს, ნავალნის საქმესთან დაკავშირებით, მეტი გამჭვირვალობისკენ მოუწოდებს