ელენე ხოშტარია თბილისის მერს მიმართავს, საზოგადოებას აუხსნას, რამ გამოიწვია ბაგები-საბურთალოს დამაკავშირებელი გზის მშენებლობის შეჩერება

„ევროპული საქართველოს“ ვაკე-საბურთალოს მაჟორიტარი დეპუტატობის კანდიდატის ელენე ხოშტარიას განცხადებით, ბაგები-უნივერსიტეტის ქუჩის დამაკავშირებელი სამანქანო გზა კრიტიკული მნიშვნელობისაა, რადგან „ის შეამცირებს წყნეთი-ბაგებიდან მომავალი მანქანების ზეწოლას თამარაშვილის ქუჩასა და ჭავჭავაძის გამზირზე, სადაც რეაბილიტაციის შემდეგ ისედაც გაიზარდა დატვირთვა“. ინფორმაციას „ევროპული საქართველოს“ პრესსამსახური ავრცელებს.

მათი ცნობით, ბაგები-საბურთალოს დამაკავშირებელი გზის გაჩერებული მშენებლობის შესახებ ხოშტარიამ ბრიფინგი ჩაატარა.

როგორც ხოშტარიამ განაცხადა, თამარაშვილის ქუჩაზე საავტომობილო ნაკადის ზრდასა და მოსალოდნელ კოლაფსზე თბილისის მერია ჯერ კიდევ 2019 წელს საუბრობდა, თუმცა მაისში გაფორმებული ხელშეკრულება მოულოდნელად ივნისში შეწყდა.

„მიზეზად კოვიდ კრიზისი დასახელდა, იმავდროულად, თბილისის მერიამ ას მილიონ ლარამდე ღირებულების ხელშეკრულებები სხვადასხვა კომპანიასთან სწორედ კოვიდ კრიზისის დროს გააფორმა.

ელენე ხოშტარია მიმართავს ქალაქის მერს, საზოგადოებას აუხსნას, რამ გამოიწვია ბაგები-საბურთალოს დამაკავშირებელი გზის მშენებლობის შეჩერება და დროულად დაიწყოს სამუშაოები, რაც მკვეთრად გააუმჯობესებს როგორც წყნეთსა და ბაგებში მცხოვრები ადამიანების გადაადგილებას, ისე ყველა იმ ადამიანის, რომელიც ჭავჭავაძის გამზირსა და თამარაშვილის ქუჩაზე გადაადგილდება“, - აღნიშნულია „ევროპული საქართველოს“ მიერ გავრცელებულ ინფორმაციაში.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს