ახალგაზრდობის სააგენტო პროექტის „რეგიონის ახალგაზრდები-მაღალი კომპეტენციებით“ მხარდასაჭერად სამეგრელოს ეწვია

ახალგაზრდობის სააგენტო, თავისი სამწლიანი რეფორმის ერთ–ერთი მიმართულების, მილიონიანი ფონდის საგრანტო კონკურსის ფარგლებში გამარჯვებული ორგანიზაციების მხარდასაჭერად რეგიონულ ტურნეს ახორციელებს. ამის შესახებ „ინტერპრესნიუსს“ ახალგაზრდობის სააგენტოდან აცნობეს.

მათივე ინფორმაციით, დღეს, სააგენტო საგრანტო კონკურსის ფარგლებში დაფინანსებული პროექტის „რეგიონის ახალგაზრდები-მაღალი კომპეტენციებით“ მიმდინარეობის შესაფასებლად, სამეგრელოს ეწვია.

„ხსენებული პროექტი მიზნად ისახავს სამეგრელოს რეგიონში ახალგაზრდული სფეროს განვითარების ხელშეწყობას და ადგილზე ახალგაზრდებში იმ კომპეტენციების გადაცემას, რომლებიც მათ ქვეყნის ეკონომიკურ და სოციალურ ცხოვრებაში აქტიურ ჩართულობას შეუწყობს ხელს.

პროექტის ხანგრძლივობა 6 თვეს შეადგენს და სამ მიმართულებას მოიცავს, მათ შორის ტრენინგ კურსს, რომელშიც სამეგრელოს 8–ვე მუნიციპალიტეტიდან 14–25 წლამდე 25 ახალგაზრდაა ჩართული.

სასწავლო ვიზიტებს, რომელსაც ტრენინგ კურსის დასრულების შემდეგ ბენეფიციარები რეგიონში განახორციელებენ 4 მიმართულებით, რის შემდეგაც 8–ვე მუნიციპალიტეტში საინიციატივო ჯგუფებს შექმნიან და ადგილზე ახალგაზრდების საჭიროებებზე დაფუძნებით საპროექტო წინადადებებს მოამზადებენ, რომლებიც პროექტის განვრცობის მიზნით, პროექტის ფარგლებშივე დაფინანსდება და განხორციელდება. საერთო ჯამში პროექტ „რეგიონის ახალგაზრდები-მაღალი კომპეტენციებით“ სამეგრელოში 225 ბენეფიციარს მოიცავს.

აღსანიშნავია, რომ პროექტის განხორციელების სხვადასხვა ეტაპზე მოხალისეობრივად არიან დასაქმებული ახალგაზრდები.

შეგახსენებთ, რომ ახალგაზრდობის სააგენტო მილიონიანი ფონდის საგრანტო კონკურსის ფარგლებში მიზნად ისახავს ახალგაზრდული ორგანიზაციების, როგორც ახალგაზრდული სფეროს მთავარი მდგენელის გაძლიერებას, რომლებიც თავის მხრივ არაფორმალური განათლების გზით უზრუნველყოფენ რეგიონში მცხოვრები ახალგაზრდებისთვის კომპეტენციების ზრდას, მხარდაჭერას გაუწევენ ახალგაზრდულ ინიციატივებს და უზრუნველყოფენ მათ ჩართულობას ადგილობრივ და საზოგადოებრივ ეკონომიკურ თუ კულტურულ ცხოვრებაში“, - აღნიშნულია ორგანიზაციის მიერ გავრცელებულ ინფორმაციაში.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“