„სინოჰიდრო“ - პანდემიის მიუხედავად, კომპანია საქართველოში გზების მშენებლობას რეგულაციების დაცვით აგრძელებს

საქართველოსა და მსოფლიოში არსებული ეპიდვითარების მიუხედავად, კომპანია POWERCHINA/Sinohydro ინფრასტრუქტურული პროექტების განხორციელებას რეგულაციების დაცვით, შეფერხების გარეშე განაგრძობს.

ამის შესახებ „ინტერპრესნიუსს“„სინოჰიდროდან“ აცნობეს. მათივე ინფორმაციით, ამ ეტაპზე კომპანია საქართველოს რეგიონული განვითარებისა და ინფრასტრუქტურის სამინისტროსთან თანამშრომლობს და სახელმწიფოებრივი მნიშვნელობის გზის რეკონსტრუქციის მოსამზადებელ სამუშაოებს იწყებს. საერთაშორისო ტენდერში გამარჯვების შედეგად, POWERCHINA /Sinohydro ბათუმი (ანგისა)-ახალციხის საავტომობილო გზის ხულო-ზარზმის 42 მონაკვეთის სარეკონსტრუქციო სამუშაოს შეასრულებს.

„ეს არის რთული და საპასუხისმგებლო პროექტი, განსაკუთრებით, ამ ვითარებაში. თუმცა, შემიძლია, დარწმუნებით განვაცხადო, რომ კომპანიას აქვს ამ სფეროში მუშაობის სერიოზული გამოცდილება. ასევე, მზად ვართ, გავითვალისწინოთ და დავიცვათ ყველანაირი რეკომენდაცია და რეგულაცია, რომელსაც საქართველოს მთავრობა, ჯანდაცვის მსოფლიო ორგანიზაცია და დაავადებათა კონტროლის ეროვნული ცენტრი დააწესებს. ჩვენ ხარისხიანად და დათქმულ დროში ჩავაბარებთ აღნიშნულ პროექტს,“ - აცხადებს კომპანიის იურიდიული მრჩეველი გიგა კვერენჩხილაძე.

„აღსანიშნავია, რომ კომპანიას არ დასჭირდება ტექნიკური თუ ადამიანური რესურსის საზღვარგარეთიდან შემოყვანა, შესაბამისად, სავალდებულო კარანტინის გამო სამუშაოების დაწყება არ შეფერხდება. POWERCHINA /Sinohydro-ს როგორც ტექნიკური, ისე თანამშრომლების ბაზა საქართველოშიც აქვს. სამშენებლო სამუშაოებში ჩართულები იქნებიან როგორც ქართველი, ისე - უცხოელი სპეციალისტები.

პროექტს, რომელზეც ამ ეტაპზე POWERCHINA /Sinohydro მუშაობს, არაბთა ეკონომიკური განვითარების ქუვეითის ფონდი (KFAED) 95 მილიონი ლარით აფინანსებს. ეს არის ბათუმი-ახალციხის საავტომობილო გზის პროექტი, რომელიც სამ მონაკვეთადაა დაყოფილი. ჯამში, რეაბილიტაცია ჩაუტარდება 47 კილომეტრიან გზას და 7 ხიდს. აქედან, კომპანია POWERCHINA /Sinohydro ხულო-ზარზმის 42 კმ-იან მონაკვეთის სარეკონსტრუქციო სამუშაოს შეასრულებს და 2 ზოლია ასფალტ-ბეტონის საფარს დააგებს.

POWERCHINA 2020 წელს იკავებს 157-ე ადგილს Fortune Global 500-ის რეიტინგში. გარდა ამისა, ამავე წელს, კომპანიამ 150 დიზაინერულ ფირმას შორის პირველი ადგილი დაიკავა. ჩინეთის სახელმწიფო საბჭოს ცენტრალური საწარმოების, სახელმწიფო ქონების ზედამხედველობისა და ადმინისტრაციის კომისიის მიერ POWERCHINA ექვსი წლის განმავლობაში სახელდებოდა ა კლასის მეწარმედ. კომპანიას აქვს დიდი გამოცდილება საერთაშორისო ბიზნესის მენეჯმენტსა და ტექნოლოგიებში, ფლობს ბევრ ცნობილ ბრენდს როგორც ჩინეთში, ისე - მის ფარგლებს გარეთ”,-აღნიშნულია „სინოჰიდროს“ მიერ გავრცელებულ ინფორმაციაში.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს