მეუფე ნიკოლოზი - არავის აქვს უფლება ისარგებლოს ჩვენი ატრიბუტიკით, თვითმარქვია თუ არის ვინმე, ალბათ, სახელმწიფომ უნდა აკონტროლოს

საეკლესიო რეგულირებაში გვაქვს, რომ არავის აქვს უფლება ისარგებლოს ჩვენი ატრიბუტიკით, თვითმარქვია თუ არის ვინმე, ალბათ, ეს სახელმწიფომ უნდა აკონტროლოს, - ამის შესახებ ახალქალაქის, კუმურდოსა და კარის მიტროპოლიტმა, მეუფე ნიკოლოზმა განუცხადა, რითაც გამოეხმაურა შსს-ს მიერ გავრცელებულ ინფორმაციას, რომლის თანახმადაც, პოლიციამ დააკავა პირი, რომელიც თავს სასულიერო პირს უწოდებდა, არასრულწლოვანს პირადი ცხოვრების ამსახველი ფოტოები მოტყუებით გადააგზავნინა და გავრცელებით დაემუქრა.

მეუფე ნიკოლოზის თქმით, კანონი ყველასთვის უზენაესია.

„პირველად მესმის, მაგრამ თქვენ რასაც ჰყვებით, ამაზრზენი ფაქტია, რა თქმა უნდა, რა კომენტარი უნდა. მე პირადად, თვალებში შემიძლია, შევხედო ყველას: ადამიანებს, ორგანიზაციებს და ვთქვა, ხმამაღლა, რომ იმის მიუხედავად, თუ ვინ არის კანონის დამრღვევი, სასულიერო პირია, მაღალი იერარქიის სასულიერო პირი, სხვა უწყების წარმომადგენელი თუ ჩვეულებრივი ადამიანი, კანონი უნდა იყოს უზენაესი.პირველად მესმის ეს ამბავი თქვენგან.

ჩვენ საეკლესიო რეგულირებაში არის ასეთი რამ, რომ არავის აქვს უფლება ისარგებლოს ჩვენი ატრიბუტიკით, ანაფორით. ეს იყიდება მაღაზიაში და შეუძლია, ყველას იყიდოს, მაგრამ არ უნდა ატაროს, კანონი კრძალავს ამას. თვითმარქვია თუ არის ვინმე, ეს ალბათ სახელმწიფომ უნდა აკონტროლოს, ჩვენ რა შეგვიძლია, ჩვენ ვმუშაობთ, რომ გამოვავლინოთ“, - განაცხადა მან.

ცნობისათვის, შსს-ის ინფორმაციით, დააკავეს პირი, რომელიც თავს სასულიერო პირს უწოდებდა და რომელმაც არასრულწლოვანს პირადი ცხოვრების ამსახველი ფოტოები მოტყუებით გადააგზავნინა და გავრცელებით დაემუქრა.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
“მარტივი გზა შენს ახალ სახლამდე” – Myhome-ის განახლებული დეველოპერული კომპანიების მოდული
„ნიუ ჰოსპიტალსი“ პაციენტებზე ზრუნვის 10 წლისთავს აღნიშნავს
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება