ბელარუსის პრეზიდენტი ალექსანდრე ლუკაშენკო რუს კოლეგა ვლადიმერ პუტინთან შესახვედრად რუსეთში, ქალაქ სოჭში ჩაფრინდა.
ლუკაშენკოს აეროპორტში რუსი მაღალჩინოსნები, მათ შორის კრასნოდარის მხარის გუბერნატორი დახვდა.
როგორც დაგეგმილია, ლუკაშენკო და პუტინი დღეს პირისპირ შეხვედრას მართავენ. პრეზიდენტები ორმხრივი ურთიერთობების განვითარების პერსპექტივებს, საერთაშორისო პრობლემებს, რეგიონში არსებულ სიტუაციას და გამოწვევების მიმართ ერთობლივ რეაგირებასთან დაკავშირებულ საკითხებს განიხილავენ.
ცნობისათვის, ეს პუტინისა და ლუკაშენკოს პირველი შეხვედრა იქნება მას შემდეგ, რაც ლუკაშენკოს წინააღმდეგ, მისი გადადგომის მოთხოვნით ბელარუსში საპროტესტო აქციები დაიწყო.
იხილეთ ვიდეო:ალექსანდრე ლუკაშენკო ვლადიმერ პუტინთან შესახვედრად სოჭში ჩაფრინდა