ეკა ბესელია უმრავლესობას - თქვენ ხმა მიეცით იმ მოსამართლეებს, რომელთა უმრავლესობამ სამართლის საფუძვლები არ იცის

თქვენ ხმა მიეცით იმ მოსამართლეებს, რომელთა უმრავლესობამ სამართლის საფუძვლები არ იცის სტუდენტებს რომ ასწავლიან; არ იციან, რა არის აბსოლუტური უფლებები, არ იციან, რა არის სამართლიანი სასამართლოს პრინციპი, - ამის შესახებ პარლამენტის დამოუკიდებელმა დეპუტატმა ეკა ბესელიამ პარლამენტის პლენარულს სხდომაზე განაცხადა, სადაც „საერთო სასამართლოების შესახებ“ კანონში შესატან ცვლილებებს პირველი მოსმენით განიხილავენ.

როგორც ბესელიამ აღნიშნა, მმართველმა გუნდმა მოსამართლეების არჩევასთან დაკავშირებული „საზიანო პროცესი“ დაასრულა „ღია და გამჭვირვალე კონტრაქტით კლანთან“.

„იმ გამჭვირვალე პროცესით იცით რა ნახა ხალხმა? რომ თქვენ ხმა მიეცით იმ მოსამართლეებს, რომელთა უმრავლესობამ სამართლის საფუძვლები არ იციან სტუდენტებს რომ ასწავლიან; არ იციან რა არის აბსოლუტური უფლებები, არ იციან რა არის სამართლიანი სასამართლოს პრინციპი. შოკში ჩავარდა ის ხალხი, რომლებიც პროცესს უყურებდა, ვის ხელშია ამ ქვეყნის მართლმსაჯულების მომავალი, ვინ არის უვადოდ არჩეული. თქვენ რომ სილაგაძე ჩააგდეთ, კარგია რომ ჩააგდეთ, მაგრამ ეს სილაგაძე ისევ შემოგიტრიალათ იუსტიციის საბჭომ და ისევ დაგისახელათ უზენაესი სასამართლოს მოსამარათლეობის კანდიდატად. ის ისედაც დანიშნულია სასამართლოში და ისედაც ასრულებს მოსამართლის მოვალეობას, რომელსაც უხარია რომ მარტო „ბასტი-ბუბუს“ უყურებს და ამ ქვეყანაზე საერთოდ არ იცის მართლმსაჯულების მთავარი პრინციპები რა არის. ხალხმა ნახა, რომ ეს სილაგაძეები არიან ამ ქვეყნის მართლმსაჯულების სათავეებთან. გესმით, რა უბედურება ნახა ამ ხალხმა ამ გამჭვირვალე პროცესის შედეგად? ამან შოკში ჩააგდო ყველა, მათ შორის ამერიკის საელჩომ განცხადება გაავრცელა, როცა თქვენ კენჭი უყარეთ 14 მოსამართლის წარდგენას და თქვა, რომ ეს იყო ცუდი პროცესი, რომ უღირსი მოსამართლეები აირჩიეთ. ეს იმ პროცესის შედეგად მოხდა, რომელიც ჩემი გადადგომის შედეგად შეიქმნა. ხალხმა ნახა კოშმარი, რომ ამ ქვეყანაში არიან უვადოდ არჩეული მოსამართლეები, რომელსაც სასამართლოს კი არა, არაფერს ანდობთ. ეს საზიანო პროცესი ღიად და გამჭვირვალედ დაასრულეთ ღია და გამჭვირვალე კონტრაქტით კლანთან. ეს არის ყველაზე მძიმე ამბავი ამ მოწვევის პარლამენტში. ამის მიტოვებას არც მე და არც ბევრი სხვა ადამიანი, ვინც ამისთვის იბრძოდა არ ვაპირებთ, დანარჩენი ვნახოთ 31 ოქტომბერს“, - განაცხადა ბესელიამ.

ცნობისთვის, „საერთო სასამართლოების შესახებ“ კანონში ცვლილებების შეტანის თაობაზე დამოუკიდებელ დეპუტატს, ეკა ბესელიას ალტერნატიული კანონპროექტი ჰქონდა წარმოდგენილი, თუმცა, პარლამენტმა მას მხარი არ დაუჭირა. ბესელიას კანონპროექტი განსაზღვრავდა უზენაესი სასამართლოს მოსამართლის თანამდებობაზე ასარჩევად საქართველოს პარლამენტისთვის წარსადგენი კანდიდატების როგორც შერჩევის, ასევე კანდიდატთა არჩევის წესს საკანონმდებლო ორგანოში. ამავე დოკუმენტით განსაზღვრული იყო უზენაესი სასამართლოს თავმჯდომარის არჩევის წესიც.

“საერთო სასამართლოების შესახებ” წარმოდგენილი ძირითადი და ალტერნატიული ორგანული კანონების პროექტებიდან ერთ-ერთის საფუძვლად მიღების თაობაზე დადგენილებას პარლამენტმა კენჭი ცოტა ხნის წინ უყარა. ძირითად კანონპროექტს მხარი 81-მა დეპუტატმა დაუჭირა, ხოლო ერთმა მის წინააღმდეგ მისცა ხმა. აღნიშნულის შედეგად, პარლამენტში პირველი მოსმენით ირაკლი კობახიძის, გურამ მაჭარაშვილისა და რატი იონათამიშვილის კანონპროექტს განიხილავენ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა