დავით ფურცხვანიძემ, რომელმაც მიხეილ რამიშვილს სატელიტით გადაღებული ფოტომასალა მიაწოდა, გამოკითხვა მაგისტრი მოსამართლის წინაშე მოითხოვა
დავით ფურცხვანიძე, რომელმაც გარდაცვლილი პროგრამისტის, თამარ ბაჩალიაშვილის ოჯახის ადვოკატს, მიხეილ რამიშვილს, სატელიტით გადაღებული ფოტომასალა მიაწოდა თბილისის პროკურატურა უკვე დატოვა.
როგორც ფურცხვანიძემ ჟურნალისტებთან საუბარში განაცხადა, მან გამოკითხვა მაგისტრი მოსამართლის წინაშე მოითხოვა, რათა სამართლებრივად ყველაფერი მაქსიმალურად იყოს დაცული.
„დღეს დამიბარეს გამოკითხვის მიზნით, მაგრამ მე განვაცხადე, რომ გამოკითხვა შედგება მხოლოდ მაგისტრი მოსამართლის თანდასწრებით. აქ პროკურატურის ნდობა არნდობაზე არ არის საუბარი, მიდგომა არის ძალიან ოფიციალური, არის ჩხრეკა, არის ნივთების ამოღება, ამიტომ მე მინდა, რომ მაქსიმალურად იყოს ყველაფერი სამართლებრივად დაცული“, - განაცხადა დავით ფურცხვანიძემ.
ცნობისთვის, პროკურატურის ინფორმაციით, თამარ ბაჩალიაშვილის ოჯახის ადვოკატების მიერ გასაჯაროებულ ე.წ. სატელიტის ფოტოებზე დანიშნული ექსპერტიზის დასკვნის შედეგებით გაირკვა, რომ ისინი დამონტაჟებული და ყალბია.
