პარტია „რეფორმერი" სესხების გადავადებას ითხოვს

პარტია "რეფორმერი" ინიციატივით გამოდის და მთავრობას სესხების საშეღავათო პერიოდის გაგრძელებისკენ მოუწოდებს.

როგორც :რეფორმერში" აცხადებენ, მთავრობამ უნდა გაითვალისწინოს მოსახლეობის მძიმე ეკონომიკური მდგომარეობა, სტრესული სოციალური ფონი, ეროვნული ვალუტის კურსი, ინფლაციური პროცესები და მოქალაქეებისთვის საშეღავათო პერიოდი 2020 წლის ბოლომდე უნდა გააგრძელოს.

„ქვეყანაში შექმნილი უმძიმესი ეკონომიკური მდგომარეობიდან გამომდინარე, „რეფორმერი" გამოდის ინიციატივით, კიდევ ერთხელ მოხდეს სესხების სამთვიანი გადავადება. გადავადება შეეხოს იმ მოქალაქეებს და ბიზნესს, რომლებიც დაზარალდნენ კორონაპანდემიის შედეგად, დაკარგეს სამსახური და შეუმცირდათ შემოსავალი. მათ ამ პირობებში სასესხო ვალდებულებების დაფარვა მძიმე ტვირთად დააწვებათ“,- განაცხადა პარტია „რეფორმერის" წევრმა, ვაკის მაჟორიტარი დეპუტატობის კანდიდატმა მაია კუკავამ.

როგორც „რეფორმერში" აცხადებენ, მთავრობამ უნდა გაატაროს ღონისძიებები ფინანსურ ინსტიტუტებთან, რომ არ დაზარალდეს საბანკო სექტორი და კერძო ბიზნესის ინტერესები.

„რეფორმერის" ინიციატივით, მოქალაქეებისთვის საშეღავათო პერიოდი უნდა გაგრძელდეს 2020 წლის ბოლომდე და შეეხოს იმ მოქალაქეებსაც, რომლებიც სახელმწიფოს მიერ არ არიან ინდენტიფიცირებული, როგორც დაზარალებული პირები.

„დამატებითი საშეღავათო პერიოდით უნდა ისარგებლონ როგორც ფიზიკურმა, ასევე იურიდიულმა პირებმა . გადავადება უნდა შეეხოს როგორც სამომხმარებლო და იპოთეკურ სესხებს, ასევე ავტოსესხებს, საკრედიტო ბარათებს, ოვერდრაფტებს და სტანდარტულ ბიზნეს სესხებს.

სესხების საშეღავათო პირობებით უნდა ისარგებლოს ყველა იმ ბიზნეს-ოპერატორმა, რომელმაც ამ თვეებში განიცადა დიდი ზარალი და ვერც უახლოეს მომავალში შეძლებენ სესხებზე შენატანების განხორციელებას - აცხადებს პარტია "რეფორმერის" წევრი მაია კუკავა.

ინფორმაციას „რეფორმერის“ პრესსამსახური ავრცელებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს