თამარ ბაჩალიაშვილის ოჯახის ადვოკატი ეკა ქობესაშვილი - გამოძიებამ ჩემგან სიახლე ვერაფერი გაიგო, დაკითხვა ფორმალობა და დროის დაკარგვა იყო

გარდაცვლილი პროგრამისტის, თამარ ბაჩალიაშვილის ოჯახის ადვოკატის, ეკა ქობესაშვილის დაკითხვა თბილისის საქალაქო სასამართლოში დასრულდა.

როგორც დაკითხვის შემდეგ ქობესაშვილმა ჟურნალისტებს განუცხადა, გამოძიებამ მისგან ახალი ვერაფერი გაიგო. ამასთან, ადვოკატის განმარტებით, დაკითხვისას დარღვევებს ჰქონდა ადგილი.

"გამოძიების კითხვებს პასუხი გავეცი. მათთვის ახალი ინფორმაცია არ მიმიწოდებია, რადგან რა ინფორმაციასაც ვფლობ, გამოძიებისთვის მიწოდებული მაქვს. ეს ფოტოები პირდაპირ ეთერში ვნახე და ინფორმაცია მიხეილ რამიშვილისგან მივიღე. ასევე ვიცოდი, რომ მიხეილ რამიშვილს ჰყავდა წყარო, რომელიც პასუხისმგებლობას იღებდა ამ ფოტოების ავთენტურობაზე.

დღეს გამოძიებამ ჩემგან სიახლე ვერაფერი გაიგო. ვფიქრობ, ეს დაკითხვა ფორმალობა და დროის დაკარგვა იყო.

პროცესს ადვოკატთა ასოციაციის ადვოკატთა უფლებადაცვის კომიტეტის წევრები ესწრებოდნენ, ისინი ჩემი წარმომადგენლები იყვნენ. მათ არაერთი შუამდგომლობა და დარღვევაზე მითითება ჰქონდათ პროცესთან დაკავშირებით. დარღვევა ძირითადად ეხებოდა იმას, რომ პროკურატურას ჩემი საქმიანობის საიდუმლოება აინტერესებდა, როდის დავუკავშირდი ბაჩალიაშვილის ოჯახს, როდის ჩავერთე და რა საუბრები გვქონდა საქმესთან დაკავშირებით მე და მიხეილ რამიშვილს. ამასთან დაკავშირებით იყო ჩვენი პროტესტი, რაც მოსამართლემ დააკმაყოფილა. პროკურატურა მაქსიმალურად ცდილობს საზოგადოება დაარწმუნოს, რომ არანაირი ფოტო არ არსებობს და წარმოდგენილი ფოტოები ყალბია. პროკურატურა მაქსიმალურად ცდილობს ზეწოლა განახორციელოს მიხეილ რამიშვილზე და ამ საქმეზე ბრძოლის შესუსტება მოხდეს", - განაცხადა ქობესაშვილმა.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა