რომან კაკულია - "ლელო საქართველოსთვის" გეგმა ჰგავს მომავალში დასაწერი წიგნის სარჩევს, რომლის შინაარსიც დაწერილი არ არის

"ლელო საქართველოსთვის" გეგმა, რომელიც წარმოადგინეს, ჰგავს მომავალში დასაწერი წიგნის სარჩევს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი,- ასე შეაფასა დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ რომან კაკულიამ ჟურნალისტებთან "ლელო საქართველოსთვის"ლიდერის მამუკა ხაზარაძი ინიციატივა, რომელიც მევახშეობის აკრძალვას მოიცავს.

როგორც მან აღნიშნა, პარტიის განცხადებები გაუგებარია.

"(ხაზარაძის) ამ განცხადების ვერც შინაარსი გავიგე და ვერც მიზანი ბოლომდე. ზოგადად მათი გეგმა, რომელიც წარმოადგინეს, გავს მომავალში დასაწერი წიგნის სარჩევს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი, საიდანაც უნდა მოვიდეს თანხები, რომლითაც შესაძლებელი უნდა გახდეს იმ მიზნების განხორციელება, რომელიც იქ წერია. სურვილების დონეზე მგონი დიდ სირთულეს არ წარმოადგენს დღეს, დაწერო ის, თუ რა არის გასაკეთებელი. ჩვენი ქვეყნის პრობლემას დიდი ხანია აღარ წარმოადგენს ის, თუ რა არის გასაკეთებელი, რადგან პრობლემა არის როგორ და რა რესურსებით. ის პოლიტიკური ძალა, რომელიც ერთობლიობაში არ წარმოადგენს ამას, საუკეთესო შემთხვევაში პოპულისტია და ყველაზე ცუდ შემთხვევაში, არ აქვს ცოდნა თუ რასთან გვაქვს საქმე,"- განაცხადა კაკულიამ.

შეგახსენებთ, "ლელო საქართველოსთვის" ლიდერი მამუკა ხაზარაძე მევახშეობის აკრძალვის ინიციატივით გამოდის.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს