ვლადიმერ პუტინი აშშ-ს ერთმანეთის შიდა საქმეებში ჩაურევლობის გარანტიების გაცვლას სთავაზობს

რუსეთის პრეზიდენტი ვლადიმერ პუტინი აშშ-ს საშინაო საქმეებში, მათ შორის საარჩევნო პროცესებში ჩაურევლობის, გარანტიების გაცვლა სთავაზობს, - რუსული მედიის ინფორმაციით, ამის შესახებ აღნიშნულია პუტინის განცხადებაში, რომელიც საერთაშორისო კიბერუსაფრთხოების სფეროში რუსეთ-აშშ თანამშრომლობას ეხება და რომელიც კრემლის ვებგვერდზე გამოქვეყნდა.

პუტინის განმარტებით, კიბერსივრცეში ფართომასშტაბიანი დაპირისპირების საფრთხე ერთ – ერთი ყველაზე დიდი გამოწვევაა.

„მისი პრევენციისთვის განსაკუთრებული პასუხისმგებლობა ეკისრებათ საერთაშორისო კიბერუსაფრთხოების სფეროში მნიშვნელოვან მოთამაშეებს”, - აღნიშნავს პუტინი.

ის ხაზს უსვამს, რომ სურს კიდევ ერთხელ მიმართოს შეერთებულ შტატებს წინადადებით, დამტკიცდეს ყოვლისმომცველი პროგრამა პრაქტიკული ზომების გატარებისთვის, რომლის მიზანი საინფორმაციო-საკომუნიკაციო ტექნოლოგიების გამოყენების სფეროში რუსეთთან ურთიერთობების გადატვირთვაა.

რუსეთის პრეზიდენტმა აშშ-ს მოუწოდებს, გაცვალონ ერთმანეთის საშინაო საქმეებში, მათ შორის საარჩევნო პროცესებში, საინფორმაციო ტექნოლოგიებსა მაღალტექნოლოგიურ მეთოდებში, ჩაურევლობის გარანტიები.

„მოვუწოდებთ შეერთებულ შტატებს, მწვანე შუქი აუნთოს რუსულ-ამერიკულ პროფესიონალურ დიალოგს საერთაშორისო ინფორმაციის უსაფრთხოების საკითხებზე ისე, რომ ეს ჩვენი პოლიტიკური უთანხმოებების მძევლად არ იქცეს. ამ ზომების მიზანი ჩვენს ქვეყნებს შორის ნდობის განმტკიცება და ჩვენი ხალხების კეთილდღეობისა და უსაფრთხოების უზრუნველყოფაა. მათ მნიშვნელოვანი წვლილი უნდა შეიტანონ საერთაშორისო კიბერ სივრცეში გლობალური მშვიდობის დამყარებაში,” - აღნიშნულია პუტინის განცხადებაში.

რუსეთის პრეზიდენტმა ყველა ქვეყანას, მათ შორის შეერთებულ შტატებს, მოუწოდა, მიაღწიონ გლობალურ შეთანხმებას, რომელიც ერთმანეთზე კიბერ თავდასხმების განხორციელების წინააღმდეგ იქნება მიმართული.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა