პოლონეთში, კორონავირუსით დაინფიცირების დღიურმა რიცხვმა პირველად გადააჭარბა 2 000-ს.

„როიტერის“ ინფორმაციით, ბოლო რეკორდული მაჩვენებელი შესაძლებლობას ზრდის, რომ ხელისუფლებამ ახალი შეზღუდვების დაწესების საკითხი დღის წესრიგში დააყენოს. პოლონეთი კორონავირუსის პირველ ტალღას მეზობელ ქვეყნებთან შედარებით, უკეთესად გაუმკლავდა, თუმცა ბოლო ერთ კვირაში ყოველდღიურად დაავადებულთა რიცხვი 1 000-ით იმატებს.

გასული დღე-ღამეში ქვეყანაში კოვიდ-19 კიდევ 2 292 ადამიანს გამოუვლინდა, 27 პაციენტი კი გარდაიცვალა. ქვეყანაში ვირუსი ჯამში 95 773 ადამიანს დაუდასტურდა, ხოლო 2 500-ზე მეტი პაციენტი გარდაიცვალა.