ლია მუხაშავრია - ვაპირებთ გავასაჩივროთ სასამართლოს ბრძანება, რომლითაც მიხეილ რამიშვილის დაკითხვა და მისი ტელეფონის დათვალიერება დადგინდა

უფლებადამცველის ლია მუხაშავრიას განცხადებით, სასამართლოს ბრძანებას, რომლითაც თამარ ბაჩალიაშვილის ოჯახის ადვოკატი მიხეილ რამიშვილი დაიკითხა და მისი ტელეფონის დათვალიერება განხორციელდა, უზენაეს სასამართლოში გაასაჩივრებენ.

მისივე განცადებით, იმ შემთხვევაში თუ უზენაესი სასამართლო ამ საჩივარს არ დააკმაყოფილებს, აღნიშნულ მოთხოვნას ევროსასამართლოშიც წარადგენენ.

,,ვაპირებთ გავასაჩივროთ სასამართლოს პირველი ბრძანება, რომლითაც მიხეილ რამიშვილის დაკითხვა და მისი ტელეფონის დათვალიერება იქნა დადგენილი. სააპელაციო ინსტანციამ ძალიან ფორმალურად იმსჯელა ამ საკითხზე და არ გააუქმა სასამართლოს ამ საკითხზე მიღებული განჩინება. ახლა უნდა გავასაჩივროთ სააპელაციო სასამართლოს განჩინება უზენაესი სასამართლოს წინაშე, მიუხედავად იმისა, რომ განჩინების ბოლოს წერია, რომ ის არ გასაჩივრდება. ეს არის მართლაც უპრეცედენტო საკითხი, ეს არ არის მხოლოდ ჩვენი კანონმდებლობის დარღვევა, ეს არის ევროკონვენციის მეექვსე მუხლის დარღვევაც, რომლითაც გარანტირებული უნდა იყოს მხარეთა თანასწორობა და შეჯიბრებითობა. რა თანასწორობაზე შეიძლება ვისაუბროთ როდესაც ადვოკატს მოწმის სტატუსით კითხავენ, პირად სატელეფონო საშუალებიდან ინფორმაციას იწერენ და მას განიარაღებულს ტოვებენ პროკურატურისა და მოწინააღმდეგე მხარის წინაშე.

მივმართავთ უზენაეს სასამართლოს, იმისათვის, რომ ეს უპრეცედენტო, სკანდალური ფაქტი უზენაესმა სასამართლომ გაასწოროს და ამით ამოვწუროთ ქვეყნის შიგნით არსებული სამართლებრივი საშუალებები, ვიდრე ევროსასამართლოს მივმართავთ, კიდევ ვიტოვებთ იმედს, რომ უზენაეს სასამართლოში ჩვენს საჩივარს დახვდება გონიერი და სამართლიანი მოსამართლე, რომელიც მიხვდება, რომ ასეთი დარღვევა ქვეყანაში არ უნდა მოხდეს. ეს მიზანი, რომელიც ახლა არსებობს საგამოძიებო ორგანოს მხრიდან, რომ როგორმე მიხეილ რამიშვილი და ეკა ქობესაშვილი ჩამოაშორონ გამოძიებას, ეს არ უნდა დავუშვათ. თუ ეს პრეცედენტი ასე დარჩა, საადვოკატო საქმიანობას ძირი გამოეთხრება და ამის დაშვება არაფრით არ შეიძლება“, - აღნიშნა ლია მუხაშავრიამ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს