ნინო ბურჯანაძე დიმიტრიოს კარაბალისს შეხვდა

„ერთიანი საქართველოს“ ლიდერი ნინო ბურჯანაძე საქართველოში საბერძნეთის რესპუბლიკის საგანგებო და სრულუფლებიან ელჩს, დიმიტრიოს კარაბალის შეხვდა. ამის შესახებ „ინტერპრესნიუსს“ „ერთიანი საქართველოდან“ აცნობეს.

პარტიის ცნობით, შეხვედრისას ორივე მხარის წარმომადგენლის მიერ ხაზი გაესვა ქართველი და ბერძენი ხალხის ტრადიციულ მეგობრობას და კეთილგანწყობას. ელჩმა აღნიშნა, რომ ბერძენ ხალხს ძალიან უყვარს საქართველო და ქართველები.

ნინო ბურჯანაძის განცხადებით, მათ ისაუბრეს ქვეყანაში მიმდინარე მოვლენებზე და ძირითადი ყურადღება გამახვილდა საარჩევნო პროცესზე. პარტიის ლიდერმა ელჩს დეტალური ინფორმაცია მიაწოდა „ერთიანი საქართველოს“ საარჩევნო პროგრამაზე და მიმდინარე კამპანიაზე.

"თავის მხრივ საბერძნეთის ელჩმა განაცხადა, დიდ მნიშვნელობას ანიჭებს საქართველოში დემოკრატიული და სამართლიანი არჩევნების ჩატარების აუცილებლობას.

შეხვედრისას საუბარი ასევე შეეხო მსოფლიოში გავრცელებულ პანდემიას. ელჩმა განაცხადა, რომ საქართველო, ისევე როგორც სხვა ქვეყნები დიდი გამოწვევის წინაშე დგას, თუმცა იმედს გამოთქვამს, რომ ქართველი ექიმები შეძლებენ სიტუაციის მართვას და მოქალაქეების ჯანმრთელობის საფრთხე მინიმუმამდე შემცირდება.

დიმიტრიოს კარაბალისმა იმედი გამოთქვა, რომ წინასაარჩევნო პერიოდი იქნება უფრო მშვიდი.

ელჩი ასევე დაინტერესდა, თუ როგორია ნინო ბურჯანაძის ხედვა კავკასიის რეგიონში მიმდინარე პოლიტიკურ პროცესებთან დაკავშირებით. კერძოდ, საუბარი შეეხო სომხეთსა და აზერბაიჯანს შორის მიმდინარე კონფლიქტს.

მხარეებმა ხაზი გაუსვეს იმას, რომ აუცილებელია მოიძებნოს სომხეთსა და აზერბაიჯანს შორის დაპირისპირების მოგვარების მშვიდობიანი გზა, ვინაიდან აღნიშნული კონფლიქტი საფრთხეს უქმნის არა მხოლოდ კონფლიქტში ჩართულ მხარეებს, არამედ სტაბილურობას მთელ რეგიონში“, - ნათქვამია ინფორმაციაში.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა