ნინო ბურჯანაძე საქართველოში დიდი ბრიტანეთის ელჩს შეხვდა

„ერთიანი საქართველოს“ ლიდერი ნინო ბურჯანაძე საქართველოში აკრედიტირებულ დიპლომატიური კორპუსის წარმომადგენლებთან და ელჩებთან შეხვედრებს განაგრძობს. ამის შესახებ ინფორმაციას „ერთიანი საქართველოს“ პრესსამსახური ავრცელებს.

მათივე ინფორმაციით, ამჯერად, პარტიის ლიდერი საქართველოში დიდი ბრიტანეთის ელჩს, მარკ კლეიტონს შეხვდა. შეხვედრამ საქმიან ვითარებაში ჩაიარა, საუბრის მთავარი თემა ქვეყანაში არსებული წინასაარჩევნო გარემო იყო.

ამასთან, შეხვედრაზე ხაზი გაესვა საერთაშორისო დამკვირვებლების არჩევნებზე დასწრების აუცილებლობას. ნინო ბურჯანაძემ ამ ინიციატივისთვის ელჩს მადლობა გადაუხადა.

„ელჩმა განაცხადა, რომ დიდი ბრიტანეთის საელჩო მუშაობს, რათა საერთაშორისო დამკვირვებელთა რიცხვი გაიზარდოს. ის განსაკუთრებით დაინტერესდა თუ რა არის „ერთიანი საქართველოს“ ლიდერის ძირითადი მესიჯი მოსახლეობასთან შეხვედრის დროს და როგორ აფასებს ნინო ბურჯანაძე მიმდინარე პოლიტიკურ ვითარებას.

ნინო ბურჯანაძემ განაცხადა, რომ ყველა მისი საარჩევნო ვიდეო-მასალა, ასევე სამომავლო აქტივობის გრაფიკი განთავსებულია „ერთიანი საქართველოს“ ვებ-გვერდზე და მან იმედი გამოთქვა ,რომ საელჩოს წარმომადგენლები თვალ-ყურს მიადევნებენ მოსახლეობასთან მისი შეხვედრების „ფეისბუკ-ლაივებს“.

პარტიის ლიდერმა ასევე იმ შეხვედრებზე ისაუბრა, რომელსაც პერმანენტულად მართავს მოსახლეობასთან. დიდი ბრიტანეთის საგანგებო და სრულუფლებიანმა მარკ კლეიტონმა „ერთიანი საქართველოს“ ლიდერს წარმატება უსურვა, თავის მხრივ ნინო ბურჯანაძემ ელჩს მადლობა გადაუხადა კეთილი სურვილებისთვის“, - ნათქვამია ინფორმაციაში.

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)