თამარ გაბუნია - მძიმე პაციენტებში „რემდესივირის“ გამოყენება მკაცრი მეთვალყურეობით მოხდება

ჯანდაცვის მინისტრის პირველი მოადგილე, თამარ გაბუნია აცხადებს, რომ პრეპარატ „რემდესივირის“ გამოყენება მხოლოდ მძიმე და კრიტიკული პაციენტების მკურნალობისთვის მოხდება.

როგორც მინისტრის მოადგილემ საქართველოში „რემდესივირის“ შემოტანის კომენტირებისას აღნიშნა, „რემდესივირი“ მცირე ჯგუფის პაციენტებისთვისაა, ვისაც ეს რეალურად დასჭრიდებათ მძიმე მდგომარეობიდან გამომდინარე.

“რემდესივირი“ ჩვენთვის ნაცნობია, რამდენადაც არის ერთ-ერთი მედიკამენტი „სოლიდარობის კვლევის“ ფარგლებში, რომელსაც საქართველო რამდენიმე თვეა შეუერთდა. „რემდესივირთან“ დაკავშირებით ერთ-ერთ კომპანიასთან გვაქვს მოლაპარაკება, რომელიც მოგვაწვდის.

მინდა აღვნიშნო, რომ „რემდესივირი“ არის მხოლოდ კრიტიკულად მძიმე პაციენტებისთვის, ამას რა თქმა უნდა, ფართო გამოყენება ვერ ექნება. კვლევის ფარგლებში, პროტოკოლის შესაბამისად, მძიმე პაციენტებში მკაცრი მეთვალყურეობით მოხდება „რემდესივირის“ გამოყენება, მოხდება მხოლოდ იმ შემთხვევებში, როდესაც ეს იქნება გამართლებული. რა თქმა უნდა ეს არ იქნება ბევრი პაციენტი. გარდა ამისა, სხვა მედიკამენტებიცაა „სოლიდარობის“ კვლევაში, სულ 4 ჯგუფია, ამ მიმართულებითაც მედიკამენტების გამოყენება მოხდება ჩვენებების მიხედვით მძიმე და კრიტიკულ პაციენტებში. ეს არაა ფართო გამოყენებისთვის, თავიდანვე მინდა, რომ სწორი მოლოდინი ჩამოყალიბდეს „რემდესივირთან“ მიმართებაში“,-აღნიშნა გაბუნიამ.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს