საფრანგეთის რამდენიმე ქალაქში ბარები და რესტორნები იხურება

საფრანგეთის ხელისუფლება კორონავირუსთან დაკავშირებულ შეზღუდვებს ქვეყნის კიდევ ოთხ ქალაქში ამკაცრებს, სადაც ინფიცირების მაჩვენებელია მაღალია.

BBC-ის ინფორმაციით, ქალაქებში : ლიონში, ლილიში, გრენობლისა და სენტ-ეტიენიში შაბათს განგაშის მაქსიმალური დონე გამოცხადდება და ბარები და რესტორნები დაიხურება.

საფრანგეთი განგაშის მაქსიმალურ დონეს იმ ზონებში აწესებს, სადაც ინფიცირების მაჩვენებელი ყოველ 100 000 მოსახლეზე 250-ს აჭარბებს და რეანიმაციულ განყოფილებებში საწოლების მინიმუმ 30%-ი კოვიდინფიცირებულ პაციენტებს უკავია.

აღსანიშნავია, რომ ბარები და რესტორნები პარიზში მიმდინარე კვირის დასაწყისიდან, მარსელიში კი - სექტემბერში დაიხურა.