ბექა ნაცვლიშვილი - რატომ გაუკვირდა ვენეციის კომისიას რომ "ქართული ოცნება" მათ დასკვნას არ დაელოდა?

რატომ გაუკვირდა ვენეციის კომისიას რომ "ქართული ოცნება" მათ დასკვნას არ დაელოდა? - ასე ეხმიანება ფრაქცია "დამოუკიდებელი დეპუტატების" წევრი ბექა ნაცვლიშვილი ვენეციის კომისიის განცხადებას.

მისი თქმით, "ქართულმა ოცნებამ" დანაშაული მაშინ ჩაიდინა, როცა სასამართლოში ის მოსამართლეები გაამწესა უვადოდ, რომლებსაც მანამდე თავად ებრძოდა.

"ქართულმა ოცნებამ" უკვე დანაშაული ჩაიდინა, უზენაესი სასამართლოს დღეს მოქმედი წევრები, რომლებსაც “ქართული ოცნება” 2012 წელს ებრძოდა, ისინი თვითონ, თავისი ხელით გაამწესა უვადოდ და ახლა ეს ვენეციის კომისიას რატომ გაუკვირდა? ეს დანაშაული უკვე არის ჩადენილი, ახლა ტექნიკურად რამეს შევცვლით თუ არა, ამას მნიშვნელობა არ აქვს. ახლა რაღა აზრი აქვს?ის ვინც უნდოდა უვადოდ განემწესებინა, უკვე განამწესა. თუ მურუსიძე, ჩინჩალაძე უკვე არიან უზენაეს სასამართლოში უვადოდ წარმოდგენილნი, ახლა ტექნიკურ ჩასწორებებს რაღა აზრი აქვს? „ქართული ოცნება“ ვითომ დაყვა საერთაშორისო ექსპერტების რჩევებს და მოსაზრებებს, მაგრამ დანაშაული უკვე მომხდარია. ახლა მოსამართლეების შერჩევა მიმდინარეობს იმიტომ რომ მაქსიმალურად კლანის წევრები იყვნენ წარმოდგენილნი ყველგან,"- განაცხადა ნაცვლიშვილმა.

ცნობისათვის, ვენეციის კომისია მწუხარებას გამოთქვამს, რომ საერთო სასამართლოების შესახებ კანონსპროექტი პარლამენტმა დაამტკიცა. "ვენეციის კომისიას ჰქონდა სურვილი დახმარებოდა საქართველოს ხელისუფლებას უზენაესი სასამართლოს მოსამართლეების დანიშვნის წესის რეფორმირებაში იმგვარად, რომ ის ყოფილიყო ევროპულ სტანდარტებთან თანხვედრაში, თუმცა იმის, გამო, რომ კომისიას მოსაზრებისთვის გვიან მიმართეს, მას ძალიან ლიმიტირებული დრო ჰქონდა,"- აღნიშნავს ვენციის კომისია.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა