ბრაზილიაში კორონავირუსის მსხვერპლთა რაოდენობამ 150 000-ს გადააჭარბა. ამ ინფორმაციას BBC ბრაზილიის ჯანდაცვის სამინისტროზე დაყრდნობით ავრცელებს.

ბოლო 24 საათის განმავლობაში, ქვეყანაში კორონავირუსი 26 749 ადამიანს დაუდასტურდა და ვირუსს კიდევ 559 ადამიანი ემსხვერპლა.

პანდემიის დაწყებიდან დღემდე ბრაზილიაში ინფიცირების 5 082 637 შემთხვევაა გამოვლენილი, მათ შორის 150 198 ლეტალური აღმოჩნდა.

კორონავირუსის შემთხვევების რაოდენობით ბრაზილია აშშ-სა და ინდოეთის შემდეგ მსოფლიოში მე-3 ადგილზეა.