მამუკა ხაზარაძე - „ქართული ოცნება“ ყველაფერს აკეთებს, რომ ადამიანებს არ ჰქონდეთ არჩევანის გამოხატვის უფლება

„ქართული ოცნება“ ყველაფერს აკეთებს იმისთვის, რომ ადამიანებს არ ჰქონდეთ თავისი არჩევანის გამოხატვის უფლება, მათ შორის ისინი იყენებენ ადმინისტრაციულ რესურსს, - ამის შესახებ „ლელო საქართველოს“ თავმჯდომარემ, მამუკა ხაზარაძემ ბრიფინგზე განაცხადა.

მისი თქმით, მმართველმა გუნდმა „ნაციონალური მოძრაობისგან“ გადაიბარა სასამართლო, პროკურორები, რომლებიც მდუმარედ ასრულებენ მათ დავალებებს.

„ნუ იქნებით ჩუმად, გამოხატეთ თქვენი პოზიცია. გავისტუმრებთ ამ ადამიანებს, რომლებიც ხელისუფლებაში მოვიდნენ იმიტომ, რომ თავიანთი მდგომარეობა გააუმჯობესონ. გამოდით, ნუ შეეგუებით უსამართლობას! ვხედავთ, რომ ქვეყანაში სულ უფრო და უფრო უარესდება დემოკრატიული პროცესები. ჯერ კიდევ 2019 წელს დემოკრატიული ინდექსით ქვეყანა ათი პუნქტით ჩამოქვეითდა. რასაც წინასაარჩევნოდ „ქართული ოცნება“ ახორციელებს, საწინააღმდეგოა დემოკრატიისა და თავისუფლების. ქვეყანას სჭირდება ახალი ტალღა, ახალი ძალა, სასწრაფოდ უნდა დავდგეთ ფეხზე. „ქართული ოცნება“ ყველაფერს აკეთებს, იმისთვის, რომ ადამიანებს არ მისცენ თავისი არჩევანის გამოხატვის უფლება, მათ შორის ადმინისტრაციულ რესურსს იყენებენ. „ქართულმა ოცნებამ“, რომელმაც გადაიბარა „ნაციონალური მოძრაობის“, სასამართლო, პროკურორები, ჩვენ ამ ძალებს გავისტუმრებთ ძალიან მალე“, - განაცხადა ხაზარაძემ.

იხილეთ ვიდეო: მამუკა ხაზარაძე - "ქართული ოცნება" ყველაფერს აკეთებს, რომ ადამიანებს არ ჰქონდეთ არჩევანის გამოხატვის უფლება

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს