ვახტანგ მახარობლიშვილმა „აღმოსავლეთ პარტნიორობის“ მაღალი რანგის  შეხვედრაზე საქართველოს ევროკავშირში ინტეგრაციის პროცესზე ისაუბრა

საგარეო საქმეთა მინისტრის პირველმა მოადგილემ ვახტანგ მახარობლიშვილმა „აღმოსავლეთ პარტნიორობის“ მაღალი რანგის ოფიციალურ პირთა შეხვედრაში მიიღო მონაწილეობა, რომელიც ვიდეოკონფერენციის ფორმატში გაიმართა. ამის შესახებ ინფორმაციას საქართველოს საგარეო საქმეთა სამინისტრო ავრცელებს.

მათივე ინფორმაციით, შეხვედრაში მონაწილეობდნენ ევროკავშირის საგარეო ქმედებათა ევროპული სამსახურის, ევროკომისიის, ევროკავშირის წევრი ქვეყნებისა და აღმოსავლეთ პარტნიორობის წევრი სახელმწიფოების წარმომადგენლები.

შეხვედრაზე მხარეებმა „აღმოსავლეთ პარტნიორობის“ ფარგლებში მიღწეული შედეგები შეაჯამეს და ყურადღება გაამახვილეს პარტნიორობის მომავალსა და მიზნებზე 2020 წლის შემდგომი დღის წესრიგის კონტექსტში.

მინისტრის პირველმა მოადგილემ ისაუბრა საქართველოს ევროკავშირში ინტეგრაციის პროცესის მიმდინარეობაზე. ამ კონტექსტში, მან კონკრეტულ პრიორიტეტებზე გაამახვილა ყურადღება, მათ შორის, ევროკავშირის ერთიან ბაზარში ინტეგრაციის საკითხზე. ამავდროულად, ევროკავშირთან ფიზიკური დაახლოების მიმართულებით, ვახტან მახარობლიშვილმა ხაზი გაუსვა დაკავშირებულობის, განსაკუთრებით კი, შავი ზღვის პოტენციალის სრულად ათვისების მნიშვნელობას.

,,რეგიონში უსაფრთხოების მხრივ არსებული გამოწვევების ფონზე, ვახტანგ მახარობლიშვილის მხრიდან ყურადღება გამახვილდა აღმოსავლეთ პარტნიორობის ფარგლებში უსაფრთხოების მყარი მექანიზმების შემუშავების აუცილებლობაზე, ისევე როგორც კონფლიქტების მშვიდობიანად მოგვარების მიზნით ევროკავშირის მეტი და უფრო ქმედითი ჩართულობის საჭიროებაზე.

შეხვედრაზე საუბარი ასევე შეეხო ისეთ პრიორიტეტებს როგორიცაა კანონის უზენაესობა, მწვანე და ციფრული ტრანსფორმაცია, მეცნიერებისა და კვლევების სფეროების დაახლოება და ინკლუზიური საზოგადოების ჩამოყალიბება.

„აღმოსავლეთ პარტნიორობის“ მაღალი რანგი სოფიციალურ პირთა შეხვედრა ყოველწლიურად იმართება და იმ დროისთვის პარტნიორობის ფარგლებში არსებული აქტუალური საკითხების განხილვას ეძღვნება", - ნათქვამია ინფორმაციაში.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია