ირმა ნადირაშვილი - „ევროპული საქართველოს“ გეგმით, დევნილებს დახმარება გაუორმაგდებათ

„ევროპული საქართველოს“ გეგმა აუცილებლად მოუტანს ადამიანებს მეტ კეთილდღეობას,- ამის შესახებ „ევროპული საქართველოს“ მაჟორიტარობის კანდიდატმა რუსთავსა და გარდაბანში, ირმა ნადირაშვილმა, აფხაზთა კრების თავმჯდომარესთან, მალხაზ პატარაიასთან ერთად, რუსთავში, დევნილების დასახლებაში, მოსახლეობასთან შეხვედრისას განაცხადა.

ნადირაშვილის თქმით, „ევროპული საქართველოს“ გეგმა დევნილთათვის დახმარების გაორმაგებას ითვალისწინებს, ასევე ოკუპირებულ ტერიტორიებზე დევნილთა საკუთრების საქართველოს საჯარო რეესტრში რეგისტრაციის დაწყებას.

„დღეს ჩვენ რუსთავში გვაქვს შეხვედრა დევნილებთან, ეს ადამიანები განსაკუთრებით მძიმე დღეში არიან გასაგები მიზეზების გამო, მათთვის პრობლემაა სამუშაო ადგილი, ისევე როგორც ნებისმიერი რუსთაველისთვის, ამ ადამიანებს აქვთ გადაკეტილი შემოსავლის წყარო.

ჩვენ თითოეული ადამიანისგან გვესმის, რომ გარდამტეხი ცვლილებებია საჭირო. „ევროპული საქართველოს“ გეგმა აუცილებლად მოუტანს ამ ადამიანებს მეტ კეთილდღეობას“, - განაცხადა ნადირაშვილმა.

ამასთან, როგორც მალხაზ პატარაიამ აღნიშნა „ევროპული საქართველოს“ გეგმა უპრეცედენტოა მისი მასშტაბურობით და ვადებით.

„ევროპული საქართველოსთვის“ პრიორიტეტულია დეოკუპაციისა და დევნილთა სოციალური მდგომარეობის საკითხი. პროგრამა თავისი შინაარსით, მასშტაბურობით და ვადებით უპრეცედენტოა და შედგება როგორც პოლიტიკური, ისე სოციალური საკითხისაგან. ეს გეგმა აუცილებლად მოუტანს დევნილებს გარდამტეხ ცვლილებებს.“ -განაცხადა პატარაიამ.

ინფორმაციას „ევროპული საქართველოს“ პრესსამსახური ავრცელებს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა