სომხეთის საგარეო უწყება - აზერბაიჯანმა ბრძოლის ველიდან დაჭრილების გასაყვანად შეთანხმებაზე შეთავაზება უარყო

სომხეთის საგარეო საქმეთა სამინისტროს განცხადებით, აზერბაიჯანმა უარყო ერევნის შეთავაზება მთიან ყარაბაღში, წითელიჯვრის ორგანიზაციის დახმარებით, ბრძოლის ველიდან დაჭრილი სამხედროების გამოყვანის შესახებ შეთახმებულიყვნენ.

„18 ოქტომბრიდან სომხეთსა და აზერბაიჯანს შორის ჰუმანიტარული ზავის შესახებ შეთანხმების მიღწევის შემდეგ, წითელი ჯვრის საერთაშორისო კომიტეტის შუამავლობით შემუშავდა მცდელობა, ღამით ბრძოლის ველიდან დაჭრილი სამხედროების გამოყვანასთან დაკავშირებით. თუმცა, ეს ნაბიჯი კატეგორიულად უარყო აზერბაიჯანმა“, - ნათქვამია სომხეთის საგარეო საქმეთა სამინისტროს მიერ გავრცელებულ ინფორმაციაში.

სომხეთის განცხადებით, მომხდარი ადასტურებს, რომ აზერბაიჯანის ხელმძღვანელობა, რომელიც „რეგიონში თურქეთის ექსპანსიის ინსტრუმენტი გახდა, წუხს მხოლოდ საკუთარი ხელისუფლების შენარჩუნებისთვის და ერიდება საკუთარი ხალხის წინაშე პასუხისმგებლობას გაჩაღებული ომისა და მრავალრიცხოვანი დანაკარგებისთვის“.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს