საქართველოს განათლების, მეცნიერების, კულტურისა და სპორტის მინისტრი მიხეილ ჩხენკელი ირწმუნება, რომ სასწავლო სივრცეებში სამედიცინო პროტოკოლი ზედმიწევნით დაცულია.

მინისტრის ინფორმაციით, 19 ოქტომბერს სტუდენტების საუნივერსიტეტო სივრცეში დაბრუნების პირველი ეტაპი დაიწყო, რაც ლაბორატოროული და პრაქტიკული მეცადინეობების საუნივერსიტეტო სივრცეში ჩატარებას გულისხმობს. როგორც ჩხენკელმა მთავრობს ადმინისტრაციაში გამართულ ბრიფინგზე განაცხადა, პროცესი მშვიდობიანად და სამედიცინო პროტოკოლის ზედმიწევნით დაცვით მიმდინარეობს.

რაც შეეხება ლექციების საკითხს, როგორც ჩხენკელმა განმარტა, უნივერსიტეტები უფლებამოსილნი არიან, რომ პროცესი დისტანციურად, ონლაინ რეჟიმში აწარმოონ.

“მთავარი გახლავთ ის, რომ ყველა უნივერსიტეტში სამედიცინო პროტოკოლი ზედმიწევნით დაცულია“, - განაცხადა მიხეილ ჩხენკელმა.

მისივე თქმით, იგივე ეხება სასკოლო სივრცეს.

“იმ სკოლებს, სადაც კოვიდშემთხვევები დაფიქსირდა, ჯანდაცვის რეკომენდაციებით, სიტუაციდან გამომდინარე ხდება დისტანციურ რეჟიმში ან ცალკე კლასის გადაყვანა ან სართულის და მთიანად სკოლის“, - განაცხადა მიხეილ ჩხენკელმა.