გუშინდელი არჩევნები არ იყო არჩევნები, ბიძინა ივანიშვილმა ჩაატარა სპეცოპერაცია, - ასე შეაფასა გუშინ ჩატარებული არჩევნები მარნეულში "ევროპული საქართველოს" მაჟორიტარობის კანდიდატმა აჰმედ იმამკულიევმა.

მისივე თქმით, ხელისუფლებამ არჩევნები გააყალბა, ვინაიდან თითქმის, ყველა უბანზე ოპოზიცია იგებდა.

„ყველა უბანზე არამხოლოდ მარნეულის მუნიციპალიტეტში, არამედ საქართველოს ყველა უბანზე იყო კანონდარღვევა, იყო გაყალბება. არჩევნები ითვლება არჩევნებად, როცა ადამიანი თავისუფლად მიდის საარჩევნო უბანზე და მართლა არჩევანს აკეთებს. ძალით, დაშინებით და ძალადობით გაკეთებული არჩევანი არ არის არჩევანი. ერთ-ერთი ფაქტი მართლა სასაცილოა, სატირალი რომ არ იყოს. მე-18 უბანზე, სადაც ოქმი გაიტაცეს, პასუხი ამ დრომდე არ აქვთ, სად გაქრა ოქმი. ეს იმას ნიშნავს, რომ ყველგან, ყველა უბანზე გამარჯვებული იყო ოპოზიცია, მაგრამ "ქართულმა ოცნებამ" და ცესკომ გააკეთა ის, რაც დაავალა ბიძინა ივანიშვილმა და დაწერა ის რიცხვები, რაც ბიძინა ივანიშვილს უნდოდა", - განაცხადა იმამკულიევმა.