„მე ვიხრები პარლამენტის ბოიკოტირებისკენ, მაგრამ ველოდები სხვების გადაწყვეტილებას“, - ამის შესახებ „სტრატეგია აღმაშენებლის“ ლიდერმა გიორგი ვაშაძემ ჟურნალისტებს განუცხადა. მისივე თქმით, შექმნილი სიტუაციიდან გამოსავალი არის ვადამდელი არჩევნები.

„ყველაფერი უნდა გავაკეთოთ იმისთვის, რომ არჩევნების შედეგები არალეგიტიმურად იქნას ცნობილი, ამისთვის ოპოზიციას სერიოზული მუშაობა გვჭირდება, მივდივართ ახლა აქციაზე, ამ აქციაზე გამოვაცხადებთ შემდეგი აქციის თარიღს და გარკვეულ სამოქმედო გეგმას. მეოთხე, რომ ზოგიერთმა პარტიამ ითხოვა დრო, რომ საბოლოო გადაწყვეტილება მიიღონ პარლამეტნში შესვლა-არ შესვლასთან დაკავშირებით. მე მხარს ვუჭერ საერთო ოპოზიციურ კონსესუსურ გადაწყვეტილებას. ვიხრები პარლამენტის ბოიკოტირებისკენ, მაგრამ ველოდები სხვების გადაწყვეტილებას. ვადამდელი არჩევნები ერთ-ერთი გზაა, რა გზითაც შეიძლება წავიდეთ ამ პროცესში“, - განაცხადა გიორგი ვაშაძემ.