„გირჩის“ ლიდერის ზურაბ ჯაფარიძის ინფორმაციით, პარლამენტში შესვლა-არშესვლის საკითხზე გადაწყვეტილება ჯერ არცერთი პარტიის მიერ მიღებული არ არის. მისივე თქმით, “გირჩი“ იმ საერთო შეთანხმების ერთგული დარჩება, რასაც ოპოზიციური პარტიები მიიღებენ.
“გრძელდება კონსულტაციები, მათ შორის პარტიის შიგნით. ვეცნობით განცხადებებს, რასაც საერთაშორისო და ადგილობრივი სადამკვირვებლო მისიები აკეთებენ. საბოლოო ჯამში, ამის ფონზე მივიღებთ გადაწყვეტილებას“, - განაცხადა ჯაფარიძემ “ლეიბორისტული პარტიის“ ოფისში გამართული შეხვედრის შემდეგ.
გარდა ამისა, როგორც ჯაფარიძემ ჟურნალისტებთან საუბრისას აღნიშნა, მოსამზადებელია, აქვს თუ არა ოპოზიციას დამატებითი ინფორმაცია სხვა, მათ შორის მძიმე საარჩევნო დარღვევებთან დაკავშირებით.