ამ შედეგებს არ ვცნობთ და ვიბრძოლებთ სანამ არ მივაღწევთ ახალ, სამართლიან არჩევნებს,- ამის შესახებ „ლელოს“ ერთ-ერთმა ლიდერმა ბადრი ჯაფარიძემ საქართველოს პარლამენტთან გამართულ აქციაზე სიტყვით გამოსვლისას განაცხადა.

მისი თქმით, მშვიდობიანი ბრძოლა გაგრძელდება თავისუფალია არჩევნების მოპოვებამდე.

„ჩვენ გვართმევენ თავისუფლებას. ჩვენ ვართ ერი, რომელიც არ შეეგუება იმას, რაც გუშინ დაგვმართეს. არ ვაღიარებთ სიყალბეს, რაც გუშინ მოხდა. ჩვენ გვინდა ახალი არჩევნები, ესაა გამოსავალი. ამ შედეგებს არ ვცნობთ და ვიბრძოლებთ სანამ არ მივაღწევთ ახალ, სამართლიან არჩევნებს. დავდგეთ ერთად, რომ გავათავისუფლოთ ქვეყანა ჭაობისგან, სადაც „ქართულმა ოცნებამ“ და ბიძინა ივანიშვილმა შეგვიყვანა. უნდა ვიდგეთ ერთად მშვიდობიანად და მსოფლიოს დავანახოთ, რომ ღირსი ვართ ძლიერი, თავისუფალი ქვეყნის“,-აღნიშნა ჯაფარიძემ.