სამხრეთ კავკასიის შესახებ კონსულტაციები 6 ნოემბერს მოსკოვში გაიმართება. ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა.
"6 ნოემბერს მოსკოვში შედგება რუსეთის საგარეო საქმეთა მინისტრის მოადგილის ანდრეი რუდენკოსა და კავკასიაში უსაფრთხოების საკითხებზე მომუშავე ჟენევის დისკუსიების თანათავმჯდომარეთა შეხვედრა სამხრეთ კავკასიაში ევროკავშირის სპეციალურ წარმომადგენელთან, გაეროს წარმომადგენელთან და სამხრეთ კავკასიის საკითხებში ეუთოს მოქმედი თავმჯდომარის სპეციალურ წარმომადგენელთან“ , - განაცხადა ზახაროვამ.
ჟენევის დისკუსიები 2008 წლიდან რეგულარულად იმართება, რომელზეც ოკუპირებული ცხინვალისა და აფხაზეთის დე ფაქტო მთავრობები ერთ-ერთ ძირითადი საკითხად საქართველოს მიერ „ძალის გამოუყენებლობის შესახებ“ შეთანხმების ხელმოწერას მოითხოვენ.