ამირან გამყრელიძე - არ თქმულა, რომ 3 სავალდებულო გამოკვლევა ყველა ინფიცირებულს უნდა გაუკეთდეს - ეს მხოლოდ ექიმის დანიშნულების მიხედვით მოხდება
არ თქმულა, რომ სამი სავალდებულო გამოკვლევა ყველას უნდა გაუკეთდეს - ეს მხოლოდ ექიმის და ოჯახის ექიმის დანიშნულების მიხედვით მოხდება, - ასე უპასუხა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ კითხვას, კოვიდპაციენტებისათვის სისხლის საერთო ანალიზის, D დიმერისა და სატურაციის განსაზღვრის თაობაზე სავალდებულო გამოკვლევის ჩატარების შესახებ.
„ეს ანალიზები კეთდება მხოლოდ და მხოლოდ ექიმის დანიშნულებოთ როგორც ბინაზე, ასევე კოვიდსასტუმროში. სადაც ექიმი ჩათვლის საჭიროდ, ეს ანალიზი იქ გაკეთდება“, - განუცხადა ჟურნალისტებს ამირან გამყრელიძემ.
ცნობისთვის, 6 ნოემბერს ინფექციური საავადმყოფოს დირექტორმა თენგიზ ცერცვაძემ განაცხადა, რომ კოვიდ სასტუმროში მყოფ ყველა და ბინაზე მყოფ პაციენტთა ნაწილს სამი სავალდებულო გამოკვლევა ჩაუტარდება.
როგორც ჯანდაცვის მინისტრთან კლინიკური ჯგუფის შეხვედრის შემდეგ ცერცვაძემ განმარტა, სამი სავალდებულო გამოკვლევიდან ერთი იქნება სისხლის საერთო ანალიზი, მეორე - D დიმერი და მესამე - სატურაციის განსაზღვრა.
This is a modal window.
v-if="article.gallery" v-html="article.gallery"
