„სირცხვილიას“ აქტივისტის, გიგა მაქარაშვილის ინფორმაციით, რუსთაველის გამზირზე, აქციაზე დაკავებულ გიორგი მჟავანაძეს სხეულზე დაზიანებები აღენიშნება.

როგორც მან აღნიშნა, ადვოკატმა უკვე მოინახულა ის და აღნიშნა, რომ მჟავანაძეს პოლიციამ სიტყვიერი შეურაცხყოფაც მიაყენა.

„დააკავეს „სირცხვილიას“ 3 წევრი: ლექსო მაჭავარიანი, ნოდარ რუხაძე და გიორგი მჟავანაძე. რამდენიმე საათია გასული და ახლა ადვოკატისგან ვიგებთ, რომელმაც ნახა გიორგი, რომ მას აქვს სხეულზე დაზიანებები და ასევე პოლიციელებმა მიაყენეს სიტყვიერი შეურაცხყოფა. ადგილზე იმყოფება ადვოკატი, ნინო ლომჯარიას მოადგილე, გიორგი ბურჯანაძე, რომელიც ამ ფაქტს აფიქსირებს და ხვალ დილიდან დაიწყება ამ საქმეზე პასუხის უმკაცრესად მოთხოვნა. გვარბევთ, გვაბრმავებთ და პოლიციაში დაიწყეთ ცემა?! ვინ ხართ, როგორ იქცევით საერთოდ. არცერთი ადამიანის დაჩაგვრას აღარ შეგარჩენთ“,-განაცხადა მაქარაშვილმა.