iPlus სომხეთის iPlus-ის ფილიალს უჩივის

iPlus სომხეთის iPlus-ის ფილიალს უჩივის ბრენდბუქის, ლოგოს და დასახელების მითვისების გამო.

როგორც „ინტერპრესნიუსს“ კომპანიიდან აცნობეს, შპს "აიპლიუსი" ქართულ ბაზარზე 2010 წლიდან ოპერირებს და ის კავკასიის რეგიონში ყველაზე მსხვილი Apple inc.-ის ტექნიკის იმპორტიორი და რეალიზატორია. მათივე ინფორმაციით, ყოველივე ეს ცნობილია მეზობელი სახელმწიფოების მოქალაქეებისთვისაც, რადგან ისინი ხშირად ჩამოდიან საქართველოში და სწორედ iPlus-ში ყიდულობენ iPhone-ებს Tax FREE პირობით.

როგორც კომპანიაში აცხადებენ, დასახელება და კომპანიის წარმატება შეუმჩნეველი არ დარჩენია ერევნელ მეწარმეებსაც და მათ 2 კვირის წინ ტექნიკის მაღაზია გახსნეს, რომელსაც iPlus დაარქვეს.

"ჩვენი დასახელება - iPlus და ბრენდბუქი დაპატენტებულია საქპატენტის - ინტელექტუარული საკუთრების ეროვნული ცენტრის მიერ საერთაშორისო დონეზე. ჩვენ გვაქვს უფლება, რომ ავუკრძალოთ ამ მაღაზიას უნებართვოდ iPlus სახელის გამოყენება. გაფრთხილების წერილი აღნიშნულ კომპანიას უკვე გავუგზავნეთ, რომ შეწყვიტონ ჩვენი სახელის მითვისება. თუ ეს არ მოხდა - დავას სასამართლოში გავაგრძელებთ. ჩვენს მომხმარებლებს მოვუწოდებთ, რომ აღნიშნული კომპანია სომხეთში არ არის ჩვენი ფილიალი და არანაირი კავშირი არ აქვს აიპლიუსის მენეჯმენტთან", - აცხადებს „აიპლიუსის“ ბრენდ მენეჯერი თენგიზ მამედოვი.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)